Réckbléck Ee Joer Tram
Den Tram huet an engem Joer bal 4,6 Millioune Passagéier transportéiert. Haut fueren am Duerchschnëtt 23.000 Leit pro Dag mam Tram, seet den André Von der Marck, Generaldirekter vun der Bedreiwergesellschaft Luxtram am 100,7 Interview.
Den Tram huet an engem Joer bal 4,6 Millioune Passagéier transportéiert. Haut fueren am Duerchschnëtt 23.000 Leit pro Dag mam Tram, esou den André Von der Marck, Generaldirekter vun der Bedreiwergesellschaft Luxtram am 100,7 Interview. E Méindeg ass et genee ee Joer hier, datt den Tram ageweit gouf. Haut fiert den Tram vun der Luxexpo um Kierchbierg bis op d'Stäreplaz. An zwee Joer, Enn 2020, soll e bis op d'Stater Gare fueren. Den Tram hätt gehollef, den ëffentlechen Transport zu Lëtzebuerg méi attraktiv ze maachen, sou de Generaldirekter vu Luxtram. D'nächst Joer géife progressiv méi Trammen agesat gi fir d'Frequenz nach ze verbesseren. De gratis ëffentlechen Transport begréisst de Luxtram Generaldirekter. De finanziellen Impakt dovun op d'Recettë vu Luxtram géifen nach analyséiert ginn.
Den Interview mam André Von der Marck vum Pierre Reyland:
Méi zum Thema
Positiven Avis vun der UNESCO fir den Tram
D'UNESCO gëtt an engem Avis gréng Luucht fir den Tronçon B vum Tram a schwätzt vun engem "progrès dans la vie urbaine". E Gespréich mam Robert Philippart, Site Manager vun der UNESCO an der Stad Lëtzebuerg.
Problemer bei engem Deel vun der Tramstreck
Tëscht der Rouder Bréck an dem Parking Glacis ass den Tracé vum Tram méi komplex. De Generaldirekter vu Luxtram confirméiert Meldunge vu Medien. Déi zousätzlech Käschte géife vu Luxtram iwwerholl ginn.
Meenung
Den Tram, tëscht Fake News a politescher Recuperatioun
No 25 Joer gëtt eng Visioun Realitéit zu Lëtzebuerg. Mä déi politesch Recuperatiounsversich ronderëm dëse Broch an der Mobilitéitspolitik hannerloossen e batteren Nogeschmaach, fënnt den Denis Scuto.
Den Tram ass do!
Zënter gëschter ass den Tram offiziell a Betrib. Am Mëttelpunkt stoung d'Geschicht an d'Zukunft vum Tram an et gouf Wahlkampf bedriwwen. Mä net alles huet op dësem historeschen Dag geklappt.
Tram an Technik
Vun dësem Sonndeg un transportéiert den Tram Passagéier vun der Luxexpo bis bei d'Rout Bréck. Am neien Transportmëttel stécht vill Technik. Am Tramsschapp gëtt sech dorëms gekëmmert.
Den Tram fiert ënner reelle Konditiounen
Zënter en Donneschdeg fiert den Tram ënner reelle Konditiounen um Kierchbierg erop an erof. Zënter Juli waren d'Testfahrten ëmmer nëmmen owes. Elo soll jidderee sech un den Tram gewinnen.
"Grouss Divergenze mat Generaldirektioun vu Luxtram"
De President vun der Eisebunnergewerkschaft Landesverband kritiséiert d'Direktioun vu Luxtram: D'Gewerkschaft géing ausgeschloss ginn. D'Direktioun wéilt selwer eng Personaldelegatioun opstellen.
