Reform vun der Verfassung "Ech weess net, ob et nach zu enger neier Verfassung kënnt"
"Ech weess net, ob et nach zu enger neier Verfassung kënnt", esou reagéiert den Alex Bodry op d'Virschléi vun haut vun der CSV. Hie kritiséiert a bedauert, datt et een totale Broch mat der Aarbechtsweis am Konsens aus de leschte méi wéi 15 Joer géif ginn.
Dem Alex Bodry no kéint et net sinn, datt d'CSV deenen anere Parteien een Ultimatum géif stellen. D'CSV géif net méi zu Accorden aus der Vergaangenheet stoen. D'Verhale vun der CSV wier den Ausdrock vun enger Partei, déi ëm hir Orientéierung géif kämpfen, an déi nom "Schock vun den Europawahle" ganz aus dem Trëtt géif schéngen ze geroden, esou den Alex Bodry. Vläicht hätt déi gréisst Oppositiounspartei och keng Loscht mat de Regierungsparteien zesummen e gemeinsam verfaassten Text ze verdeedegen.
Den LSAP-Fraktiounschef seet, hie wéisst net, ob et vill géif bréngen, datt d'Chamber am Hierscht eng Konsultatiounscampagne géif lancéieren, ouni ze wëssen, wéi d'Etapp duerno respektiv den Ofschloss a Saache "grousse Projet nei Verfassung fir Lëtzebuerg" kéint ausgesinn.
Den CSV-Parteipresident hat en Dënschdeg Moien ugedreet, seng Partei géif d'Reform vun der Verfassung net matstëmmen, wa virdrun net eng Rei Froe gekläert wieren. Déi gréisst Oppositiounspartei fuerdert, datt d'Bierger an engem Referendum eng Rei präzis Froe gestallt kréien, zum Beispill iwwer d'Wahlbezierker oder d'duebel Mandater. Déi rezent Diskussiounen iwwer eng eventuell Reform vum Wahlsystem géife weisen, datt d'Verfassungs-Debatt nach net ofgeschloss ass. Wann déi aner Parteien net bereet si mat op dee Wee ze goen, da wëllt d'CSV de Verfassungsprojet, deen um Dësch läit, net mat stëmmen.
Méi zum Thema
déi gréng a Pirate plädéieren och fir en eenzege Wahlbezierk
Nieft der LSAP, schwätzen och déi gréng an d'Pirate sech fir een eenzege Wahlbezierk aus. Dat confirméieren déi zwou Parteien eis op Nofro hin. D'DP wëllt iwwerdeems nach keng Positioun bezéien.
LSAP ass fir en eenheelteche Wahlbezierk
Hannergrond fir d'Fuerderung vun engem Wahlbezierk ass e Bréif vum Premierminister en vue vun enger Reform vum Wahlgesetz. D'Parteie sollten dem Xavier Bettel bis gëschter hir Positioun zu dësem an aneren Theme matdeelen.
"Logesch, datt de Referendum sollt gemaach ginn"
D'CSV wëllt d'Prozedur fir eng nei Verfassung begleeden an ënnerstëtzen, egal ob d'Partei no de Chamberwahlen an der Majoritéit oder an der Oppositioun ass. Dat seet de Spëtzekandidat Claude Wiseler.
"Keng sou einfach Affär"
Et géif si wonneren, wann d'DP vum Referendum iwwer déi geplangten nei Verfassung géif ofgesinn, seet d'Simone Beissel. D'Populatioun misst minimum sechs Méint am Virfeld informéiert ginn.
Referendum iwwer d'Verfassungsreform oder net?
Déi nei Verfassung wäert fréistens Mëtt 2020 a Kraaft trieden, mengt den LSAP-Deputéierten Alex Bodry. Den Nach-CSV-Verfassungspiecher Paul-Henri Meyers ass perséinlech géint de Referendum.
E Verfassungstext nach virun de Wahlen
De Paul-Henri Meyers geet dovun aus, datt ee sech nach virun der grousser Vakanz iwwer de Verfassungstext wäert eens ginn. Deen Text soll dann an der neier Legislatur gestëmmt ginn.
Meenung
"D'Debatt iwwer déi ganz Verfassungsreform muss elo ulafen!"
Ee Mount nom Referendum fënnt de Michel Pauly, dass et Zäit gëtt, an aller Ëffentlechkeet iwwert di ganz Verfassungsreform ze diskutéieren, fir dass d'Resultat och dem Vollék säi Wëllen erëmspigelt.
