Chamberspresident "Ech géif dat selwecht nach eng Kéier maachen"

"Wann ech nach eemol virdru wär, da géif ech et nach eemol just d'selwecht maachen", seet de Chamberspresident Fernand Etgen iwwer deen turbulenten Ufank vun der Sëtzung vu virun aacht Deeg. Déi ganz Oppositioun hat jo do de Plenum verlooss, aus Protest géint dem Fernand Etgen säi Refus fir separat iwwer de Wonsch vun der CSV ofstëmmen ze loossen, déi en zousätzleche Punkt op den Ordre du jour setze wollt. Der CSV huet de Chamberspresident virgehäit, nach ëmmer net mat der Oppositiounsroll eens ze ginn.

Maurice Molitor / cbi

Fernand Etgen
De Chamberspresident Fernand Etgen (DP). Foto: Archiv

D'Chamber hätt, um Niveau vun der Verwaltung, hir Hausaufgabe gemaach fir wéi geplangt am Hierscht kënnen eng Informatiouns- a Sensibiliséierungscampagne iwwer d'Verfassung ulafen ze loossen. Elo misst an der zoustänneger Kommissioun gekuckt ginn, ob déi Campagne trotz de rezente Revirementer awer duerchgezu gëtt, a wa jo: a wéi enger Form?

De Fernand Etgen huet duerchblécke gelooss, datt hien net mat enger séierer Decisioun an der Institutiounekommissioun rechent, well déi Kommissioun "ebe gewinnt ass, déi do Dossieren an aller Rou a Serenitéit unzepaken. An ech si vun Natur aus en optimistesche Mënsch, an ech gleewe jiddefalls drun, datt [...] mir awer nach op e gutt Enn kommen", esou de Fernand Etgen.

Verfassungsreform: Ass e Kompromëss méiglech?

Zanter engem Strapp scho gëtt an der Chamber un enger Informatiouns- a Sensibiliséierungscampagne ronderëm déi nei Verfassung geplangt. Der CSV schwieft elo awer eng Consultatiounscampagne vir. D'Leit sollen net just gebrieft ginn, mee sech och nach eemol selwer abrénge kënnen.

Ass et méiglech, e Kompromëss tëschent deene verschiddene Virstellungen ze fannen? De Chamberspresident Fernand Etgen ass skeptesch, et géif dovunner ofhänken, mat wat een déi Diskussioune wéilt belaaschten.

"Mee geet een awer hin, esou wéi dat zu engem gewësse Moment an der Presidentekonferenz ugeklongen ass, datt nieft all deenen Dispositioune vum Wahlgesetz, d'Problematik vun den Duebelmandater, den eenheetleche Wahlbezierk awer och nach déi ganz Justiz op de Leescht geholl soll ginn, eben opgrond vun den neien Entwécklunge mat der ganzer Problematik iwwer den Dateschutz: ech mengen, da wäert et jiddefalls schwéier ginn, dee Konsens nach ze fannen."

An der Mediathéik:

Invité:e vum Dag / / Maurice Molitor
Lauschteren

Méi zum Thema

Marc Baum
Oppositiounsaarbecht

De Marc Baum verdeedegt, datt d'Oppositioun de Plenum en bloc verlooss huet. Wann de Chamberspresident géint de Chambersreglement verstéisst, da missten d'Deputéiert hir Verantwortung huelen.

Frank Engel
Debatt ëm d'Verfassungsreform

Déi rezent Diskussiounen iwwer eng eventuell Reform vum Wahlsystem géife weisen, datt d'Verfassungs-Debatt nach net ofgeschloss ass. Dat sot den CSV-President Frank Engel den Dënschdeg virun der Press.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen