Den 1. Juli ass bei de Rettungsdéngschter eng vun de gréisste Reformen a Kraaft getrueden, déi et am Secteur jee gouf. Zil ass et, de ganze Corps ze professionaliséieren an den Zougang zu engem qualitative Service iwwerall am Land ze garantéieren. An enger éischter Phas goufe 50 Persoune rekrutéiert, déi elo an der Formatioun sinn. Am Hierscht sollen der nach 50 dobäi kommen.
Bis elo waren d'Gemenge fir hiren Territoire zoustänneg, op d'mannst wat d'Pompjeeën ubelaangt. Elo gëtt et een eenzege Corps fir d'ganzt Land. Am CGDIS, dem Corps grand-ducal d'incendie et de secours fënnt een d'Pompjeeën an de Samu, also de Service d'aide médicale d'urgence.
Bei de Rettungsdéngschter si weiderhin eng 6.000 Fräiwëlleger aktiv, dorënner 1.500 Persounen, déi beim SAMU matschaffen, 1.100 sinn an der Pompjeesjugend. An iwwer 1.000 si Veteranen.
