Srel-Prozess "Du hues dat autoriséiert"
Um drëtten Dag vum Srel-Prozess gëtt de Moien d'Auerenopnam Juncker/Mille vum 31. Januar 2007 gelauschtert. De relevanten Deel vum Gespréich stellt de radio 100,7 hei zur Verfügung.
De fréiere Srel-Direkter Marco Mille hat e Gespréich mam Jean-Claude Juncker am Januar 2007, ouni dem Premier säi Wëssen, mat enger Auer opgeholl. An dësem Gespréich ass et ëm d'Behaaptung vum Geschäftsmann vum Loris Mariotto gaangen, datt e Gespréich tëschent dem Jean-Claude Juncker an dem Grand-Duc Henri iwwer d'Bommeleeër-Affär opgeholl gi wier an op enger CD enregistréiert ginn ass.
An dësem Geheimdéngschtprozess geet et ëm d'Fro, ob de Srel d'Autorisatioun vum deemolege Premier Jean-Claude Juncker hat, fir de Loris Mariotto ofzelauschteren. Déi dräi ugeklote fréier Srel-Mataarbechter hu gëschter argumentéiert, d'Ecoutte wiere legal gewiescht, well se vum Jean-Claude Juncker an enger Procédure d'urgence mëndlech autoriséiert goufen. Den Zeie Jean-Claude Juncker huet ausgesot, hie kéint sech net erënneren, esou Ecoutten autoriséiert ze hunn.
Méi zum Thema
Hat de Srel eng Autorisatioun fir de Loris Mariotto ofzelauschteren?
De Marco Mille huet haut ausgesot, datt hien d'Autorisatioun vum Jean-Claude Juncker gehat hätt: Mëndlech, iwwer Telefon. Dee seet hie kéint sech net méi un d'Inhalter vun de Gespréicher mam Marco Mille de 26. Januar 2007 erënneren.
Defense stellt Prozess prinzipiell a Fro
Um éischten Dag vum Srel-Prozess hunn d'Affekote vun der Defense de Prozess prinzipiell wéinst Verstouss géint den Délai raisonnable a Fro gestallt. De Prozess géif 13 Joer no de Faite stattfannen.
