Impfung Dr Gérard Schockmel: "Eng Impfflicht ass de kinnekleche Wee aus der Pandemie"

Den Dokter Gérard Schockmel fënnt eng Impfflicht fir Leit, déi mat Vulnerabele schaffen, fir "onerlässlech". Fir den Infektiolog wier dat och "idealerweis" fir Leit iwwer 50 de Fall.

Vesna Andonović / cbi

Impfung
Symbolbild. Foto: Foto: picture alliance / Wang Chun

Bis ewell wieren nëmmen hallef Mesurë getraff gi an et hätt een ëmmer probéiert ronderëm eng obligatoresch Impfung ze kommen, mengt den Dokter Schockmel. Dofir wiere mir elo och an der aktueller Situatioun:

"Ech denken, mir brauchen eng Kombinatioun vu Mesuren, awer - ech betounen et nach eng Kéier - déi obligatoresch Impfung fir déi, déi mat Vulnerabelen ze dinn hunn an idealerweis fir déi iwwer 50 schéngt mer onerlässlech."

Géif esou eng Impfflicht duerchgesat ginn, da bräicht ee bis Mäerz, bis datt jiddwereen zwou Impfdosisse kréich. Fir den Dokter Gérard Schockmel ass kloer: wann een dat net mécht oder mat "hallwe Mesuren" erauszögert", da géif een d'Pandemie net an de Grëff kréien.

Wann haut am Regierungsrot keng Decisioun zu enger Impfflicht géif kommen, hätt een de Wanter reegelrecht verspillt, esou de Gérard Schockmel, Infektiolog vun den Hôpitaux Robert Schuman.

Méi Flexibilitéit bei Boosteren a méi Kontroll beim CovidCheck

Fir d'Boostere misst ee méi Flexibilitéit weisen, seet den Infektiolog. De System vun den Invitatioune kéint een zwar bäibehalen, mee et sollt d'Logistik sou einfach wéi méiglech halen. Déi Leit, déi gären e Booster hätten, sollten deen och kréien, och wann een natierlech e minimalen Delai no der zweeter Dosis kéint definéieren.

A Saache CovidCheck misst een awer méi konsequent ginn, mengt den Dokter Gérard Schockmel: et misst och d'Identitéit kontrolléiert ginn.

"Ech menge jiddweree kann e QR-Code vu senger Bomi op säin Handy kopéieren an deen da weisen, dat kann et net sinn!"

Ee vun de wichtegste Pillieren ass deemno fir den Infektiolog, datt beim CovidCheck entweder de Führerschäin oder d'Carte d'identité kontrolléiert gëtt.

Méi zum Thema

Paulette Lenert
Pandemie

Eng Impfflicht wier fir d'Lëtzebuerger Regierung deen allerleschte Schrëtt, sou d'Gesondheetsministerin. Wann d'Schrauf misst bäigezu ginn, kéint een aus dem aktuellen 3G- an e méi strengen 2G-Regimm iwwergoen.

Corinne Cahen
Covid-19-Impfungen

Den CSMI betount d'Wichtegkeet, datt am Fleegesecteur méiglechst dat ganzt Personal géint Covid-19 geimpft ass. D'Corinne Cahen wëllt op Iwwerzeegungsaarbecht setzen, schléisst eng Impfflicht awer net kategoresch aus.

Net verpassen

Programm

  • Ligne 2

  • On air

    Notturno

  • Virum Dag vu 6 bis 10

  • Panorama

  • Virum Dag vu 6 bis 10

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen