Ukrain-Krich Der Olga hir Flucht aus der Ukrain

De Krich an der Ukrain ass iwwerwältegend. Kee weess wéi et weider geet, am mannsten déi Leit, déi et direkt betrëfft. Iwwer zwou Millioune Leit hunn de Vereenten Natiounen no, hiert Heemechtsland an Tëschenzäit verlooss. E groussen Deel dovun si Fraen, déi eleng mat hire Kanner ënnerwee sinn, well hir Partner an der Ukrain bliwwe si fir ze kämpfen.

Paule Rodesch / rb

Olga
D'Olga ass zesumme mat hirer Mamm an hire Kanner aus der Ukrain geflücht.

Lauschteren


D'Olga huet zu Kiew gewunnt a fir eng IT-Firma geschafft. Fënnef Deeg nodeems de Krich an hirer Heemecht ausgebrach war, ass si zesumme mat hirer Mamm an hire Kanner geflücht. Zwee Deeg huet et gedauert, bis si iwwer d'Grenz waren:

"All puer Stonnen hu mir déi schrecklech Geräischer vu Loftattacken héieren. Mir hunn a Bunkere geschlof an all Dag vu Leit héieren, déi eis no stoungen, déi gestuerwe sinn. Meng Frënn, déi an der Ukrain bliwwe sinn, sinn an engem schreckleche psychologeschen Zoustand. D'Kanner kräischen déi ganzen Zäit, si dierfen d'Stied net verloossen."

D'Olga ass mat hirer Famill bei hirer Schwëster hei zu Lëtzebuerg ënnerkomm. Si wier frou, datt hir Kanner net misste mat ukucken, wéi op Ziviliste geschoss an hir Heemecht zerstéiert géif ginn. Hire Mann ass allerdéngs zu Kiew bliwwen, fir am Krich géint Russland mat ze kämpfen.

"Et deet mir vill wéi, mee et ass dank eise Männer, datt mir eng Chance hunn dëse Krich ze stoppen an heem ze goen."

All Dag kommen nei Refugiéeën aus der Ukrain hei am Land un. Déi jonk Fra probéiert dobäi e wéineg ze hëllefen...

"...fir déi ukrainesch Famillje bei de Lëtzebuerger Residenten ënner ze bréngen. Ech weess wat et heescht, fir vum eegenen Doheem an d'Ongewësst fort ze lafen."

Méi zum Thema

image_2022-03-04_145908.png
Flüchtlingskris un der ukrainescher Grenz

Zu Przemysl, hanner der polnesch-ukrainescher Grenz, fueren trotz Krich nach ëmmer Zich. Déi eng Richtung komme Flüchtlingen un, déi aner Richtung fuere Leit an de Krich.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen