Aus laange Recherchen ass den experimentelle Radio Documentaire "Le Son de la Guerre" entstanen, an deem de belsche Kënschtler investigative Journalismus an experimentell Musek zesummebréngt. D'Erzielung vum Radio Documentaire "Le Son de la Guerre" baut op verschidde formell Elementer op: Téin, déi de Kënschtler um Terrain opgeholl huet a selwer komponéiert Musek, zesummegeschnidde mat Extraiten aus verschidden Interviewen. De Martig behandelt d'Stëmm gréisstendeels als e weidert formellt Element. Et gëtt keen Narrateur, an d'Intervenante ginn net mam Numm genannt. Vill méi konzentréiert sech de Kënschtler op de Rhythmus, d'Lautstäerkt an d'Totalitéit vun der Stëmm. Gläichzäiteg baut dësen Audio Documentaire awer och op eng richteg journalistesch Investigatioun op.
