Politesche Wocheréckbléck Den Doud vum Grand-Duc Jean an de Budget

D'Tessy Steffen Koenig kuckt zesumme mam Rick Mertens aus der Nooriichteredaktioun zeréck op d'Aktualitéit vun der Woch. Haaptsujet war dës Woch den Doud vum Grand-Duc Jean, dee jee no Generatioun ganz ënnerschiddlech opgeholl gouf. Nom Doud vum Grand-Duc huet dat politescht Liewen dunn e Mëttwoch nees Faart opgeholl: de Staatsbudget huet dës Woch misse an der Chamber gestëmmt ginn.

Rick Mertens / cz

Rick Mertens
Rick Mertens

Trotz Staatstrauer hunn d'Deputéiert um Krautmaart dës Woch iwwer den definitive Staatsbudget fir dëst Joer debattéiert - a gëschter ass en och gestëmmt ginn. Grouss Iwwerraschunge gouf et dobäi keng. De Budgetsrapporter André Bauler vun der DP, hien huet d'Regierung gelueft, well se géif déi richteg Weiche stellen - zum Beispill andeems se méi an d'Mobilitéit, de Klimaschutz an an d'Educatioun investéiert. Donieft huet hien eng Rei Recommandatiounen am Beräich vun der Digitaliséierung gemaach, an hien huet e spezielle Comité gefuerdert, deen déi digital Entwécklung soll iwwerwaachen.

D'Oppositioun huet iwwerdeems am Fong genee déi Saache kritiséiert, déi d'Regierungsparteie positiv duerstellen. D'CSV-Fraktiounscheffin Martine Hansen huet ëmmer nees ënnerstrach, d'Regierung géif net genuch fir d'"Wuelbefanne" vun de Bierger maachen. Dat géif een zum Beispill och doru mierken, datt de Budget net "nohalteg" wier, an datt vill Depensë fir déi nächst Jore guer net genee chiffréiert wieren. Als Beispill huet si déi nei Klimaziler vun der Regierung genannt.

An der Mediathéik:

Aktuelles / / Rick Mertens
Lauschteren

Méi zum Thema

S.A.R. le Grand-Duc Jean2
Cour Grand-Ducale

De Grand-Duc Jean ass dout: de fréiere Lëtzebuerger Staatschef ass en Dënschdeg de Moien am Alter vun 98 Joer gestuerwen. Virlescht Woch ass hie mat enger Longenentzündung an d'Spidol bruecht ginn.

Danièle Weber Réckbléck
EU-Politesche Wocheréckbléck

Eng Woch voller Emotiounen: Vill Äddien - fir déi eng endgülteg, well si net méi kandidéieren, fir déi aner ongewëss, well si net wëssen, ob si erëmgewielt ginn. Mir kucken op dës Woch zeréck.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen