Wahlen an Ungarn "Dem Orban seng Flüchtlingspolitik kënnt un!"
Aacht Milliounen Ungare wielen en neit Parlament. Ëmfroen deiten drop hin, datt de Viktor Orban déi gewanne kann. A Westeuropa ass hien ëmstridden, kënnt awer bei ville Landsleit gutt un. Den ungaresche Journalist Balázs Náray erkläert firwat.
Ëmfroen am Virfeld soen dem aktuelle Premier Viktor Orban 41 Prozent viraus. A Westeuropa gëtt hie kritiséiert, wéinst senger Flüchtlingspolitik. Grad déi kënnt bei senger Basis awer gutt un, seet de Balázs Náray, en ungaresche Journalist - dee fir de Radiogrupp MTVA schafft. Dëse Grupp ass, genee wei den 100,7, Member beim Radiosreseau Euranetplus.
"Awanderung ass geféierlech. Bei eis muss net dat Selwecht wéi a Westeuropa geschéien", hätt de Viktor Orban gesot - seet de Balázs Náray. D'Flüchtlingspolitik wier d'Haaptthema an der Wahlcampagne gewiescht. Dobäi wier den Orban einfach de stäerkste Politiker am Land, d'Oppositioun wier schwaach, sou de Balázs Náray. Vill Leit wieren och mat senger Politik zefridden, well de Wuesstem gutt ass, an d'Paien e bëssen an d'Luucht goungen.
Approche zur EU? Déi selwecht!
Wann de Viktor Orban op sengem Poste confirméiert gëtt, dierft et weider goe wéi bis elo, mengt de Balázs Náray. Hie gleeft net, datt den Toun méi rau gëtt, d'Konfrontatioun mat den EU-Institutioune wäert awer weidergoen.
Méi zum Thema
Analys
Wirtschaft an Ungarn boomt, trotz Kritik um Viktor Orban
Den ungaresche Premier gëllt als rietspopulistesch, korrupt an autoritär. Wéinst dem wirtschaftlechen Opschwong dierft hien trotzdem dëse Weekend erëmgewielt ginn, mengt de Rick Mertens.
"Hit me one more time"
Op den Tracë vu senger Famill ass de Patrick Galbats duerch Ungarn gezunn a presentéiert seng Impressiounen elo a Form vun enger Fotoausstellung am CNA zu Diddeleng.
