Neie Rekord Am Juli goufen zu Lëtzebuerg 380 Sonnestonne gezielt

De Juli dëst Joer war dee sonnegsten zënter Ufank vun den Opzeechnungen hei am Land. Dat geet aus dem klimatologeschen Bilan vu leschtem Mount vu Meteolux ervir.

Vesna Andonovic / cz

Sonn
Foto: Bigstock / preeyaporn

Am Ganze goufen ronn 380 Sonnestonne gezielt. De leschte Rekord gouf am Juli 2018 gemooss - mat ronn 350 Sonnestonnen, esou nach Meteolux.

Dës Hausse géif an en allgemeng europäeschen Trend passen, seet de Luca Mathias vu Meteolux. Wann een d'Referenzperiode vun 1961-1990 an 1991-2020 matenee vergläicht, géif ee gesinn, datt d'Sonnestonnen zu Lëtzebuerg liicht zougeholl hunn. "Dat ass dat wat mir beobachte - an, wéi gesot, am Kontext vum Klimawandel besteet do sécherlech en Zesummenhang."

Donieft war leschte Mount mat engem Cumul vu bësse manner wéi siwe Liter Reen op de Metercarré deen drëtt dréchenste Juli zanter Ufank vun den Opzeechnungen. E war dann och ënnert deene wäermsten, mee e wier net aussergewéinlech gewiescht, esou nach Meteolux. D'Duerchschnëttstemperatur louch bei ronn 20 Grad.

Méi zum Thema

Kéi am Stall
Landwirtschaft

Elo scho misst hie sengen Déiere Fudder ginn, well d'Gras op de Wisen net duergeet, sou de Charel Wildgen, deen zu Fenneng 80 Mëllechkéi huet. Mee net all Betrib wier d'selwecht vun der Dréchent betraff.

Illutratioun Dréchent
Meteo

D'Fréijoer war ze dréchen, esou de Bilan vum meteorologesche Service vum Landwirtschaftsministère. Vu Mäerz bis Mee huet et net genuch gereent, vill landwirtschaftlech Kulture konnte sech net optimal entwéckelen.

Net verpassen

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen