Verfassungsreform De Premierminister bedauert, datt et keng komplett nei Verfassung wäert ginn
De Premier Xavier Bettel bedauert, datt et keng komplett nei Verfassung wäert ginn. Am Koalitiounsaccord vun Dezember 2018 haten DP, LSAP an déi Gréng sech d'Ziel gesat, vun engem nei Grondgesetz: eng modern Verfassung, déi di politesch an institutionell Realitéite rëmgespigelt, hat et viru knapp engem Joer geheescht.
"Et ass bedauerlech datt et keng ganz nei Verfassung gëtt, mee et ass awer begréissenswäert, datt op dësem Wee de Gros vun deem neien Text an déi al Verfassung kann iwwerholl ginn", esou haut de Xavier Bettel op eis Nofro hin. Doduerch wier et méiglech, datt d'Land en fin de compte awer eng wesentlech méi modern Verfassung kréich, heescht et an der schrëftlecher Reaktioun vum Regierungschef.
No der Sitzung vun der zoustänneger Chamberkommissioun virgëschter war matgedeelt ginn, datt et keng komplett nei Verfassung wäert ginn, mee datt dat aktuellt Grondgesetz iwwert déi nächst Joren a Phase soll reforméiert ginn.
Méi zum Thema
Keng nei Verfassung a kee grousse Verfassungsreferendum
Fir den Text vum Grondgesetz ze moderniséieren, sollen an den nächsten zwee Joer, a verschiddenen Etappen, nëmmen nach d'Haaptiddie vun der geplangter grousser Reform decidéiert ginn.
Lëtzebuerg kritt keng komplett nei Verfassung
Dat aktuellt Grondgesetz soll a Phase reforméiert ginn. Dat gouf den Dënschdeg no der zoustänneger Chamberkommissioun ugekënnegt. E grousse Verfassungs-Referendum wäert et net ginn.
"Wann d'Kolleege vun der CSV hir Meenung net änneren, gëtt et schwiereg"
Déi nei Verfassung an d'Justizreform solle gläichzäiteg, virun 2023, a Kraaft trieden, hofft de Justizminister. Hie wéilt optimistesch bleiwen, och no der neier CSV-Positioun a Saache Grondgesetz, sou de Félix Braz.
En eegenen Artikel an der neier Verfassung
De Conseil fir d'Lëtzebuerger Sprooch fuerdert, datt d'Sproochesituatioun an der neier Verfassung thematiséiert gëtt. Lëtzebuergesch, Franséisch an Däitsch sollen am Grondgesetz verankert ginn.
Frank Engel: "Alles op den Dësch bréngen"
D'CSV wier "après réflexion" der Meenung, datt e verflichtende Referendum iwwer déi nei Verfassung net déi beschten Optioun wier, seet de Frank Engel. Dat wier keen Ultimatum an d'CSV géif hir Positioun och net méi iwwerdenken.
"Ech weess net, ob et nach zu enger neier Verfassung kënnt"
De President vun der Chamberkommissioun fir d'Verfassungsrevisioun, den Alex Bodry, kritiséiert a bedauert, datt et een totale Broch mat der Aarbechtsweis am Konsens aus de leschte méi wéi 15 Joer géif ginn.
