Gebuertsdag De Fausti kritt 80 Joer
Den 80. Anniversaire vun engem Entertainer, deen ouni Zweiwel ee vun de bekanntste Lëtzebuerger ass, an dee musikalesch wäit méi ze bidden huet, wéi allgemeng ugeholl gëtt. Rieds geet natierlech vum Fausti. De Jean Claude Majerus mat engem klenge Cadeau fir den 80. Anniversaire.
Haut feiere mer Gebuertsdag, an zwar den 80. Anniversaire vun engem Entertainer, deen ouni Zweiwel ee vun de bekanntste Lëtzebuerger ass, dee musikalesch wäit méi ze bidden huet, wéi allgemeng ugeholl gëtt. Rieds geet natierlech vum Fausti. E Mann, dee d'Kultur zu Lëtzebuerg op seng Manéier markéiert huet. E Mann, deen eben duerch seng jovial an oppe Manéier e Kultstatus ereecht huet. E Mann, dee mat sengem richtegen Numm Faustino Cima heescht, mee dee Land op a Land of just Fausti genannt gëtt.
Et kann een de Fausti net nëmmen op d'Fuesent, op zwou Bulle Mokka, op Pëppi komm, Moss am Bic, op Päischtcroisière an esou weider limitéieren. Wann een de Fausti elo reng nëmmen als Museker hëlt, da kann ee sech schonn nëmme wonneren, wat dësem Mann musikalesch alles drop huet.
De Fausti ass e Multiinstrumentalist, hie ka Gei, Klarinett, Gittar, Harmonika a Batterie spillen, an dat alles op engem Niveau, deen net där mannster ass. De Fausti ass bal an all Museksgenre doheem. Gutt, seng Stëmmungslidder si wuel am bekanntsten, mee wann een de Fausti als Jazzmuseker kann erliewen, do géifen der vill aus de Schlappe kippen.
An der Mediathéik:
LauschterenMéi zum Thema
Filmkritik
D'Éiwegkeet kann op eemol laang ginn
"The Old Guard" ass e begréissenswäerte Schratt op d'Säit géigeniwwer dem gewéinleche Superhelde-Kascht. Manner technologesch Surenchère, dofir gutt Acteuren, vun deenen hei och net ze vill verlaangt gëtt.
Sechs Méint eleng um Baikalséi
Selwer verschriwwenen Immobilismus: de franséischen Abenteuerer a Schrëftsteller Sylvain Tesson beschreift a sengem Reesbericht "Dans les forêts de Sibérie" (2011) seng Zäit an enger Hütt beim Baikalséi.
