Am Alter vun 80 Joer De Fausti ass dout
De Fausti, mam richtegen Numm Faustino Cima, huet mat senger Danzmusek Generatiounen markéiert. Den Entertainer ass onerwaart am Alter vun 80 Joer verstuerwen.
De Fausti huet zu de ganz groussen Entertainer zu Lëtzebuerg gehéiert. Hie war och en aussergewéinleche Museker an d'Stëmm vu ville Personnagen a Filmer.
Als jonke Mënsch huet de Fausti seng Léift zur Musek entdeckt, en huet am Conservatoire Solfège gemaach, mat engem éischte Präis ofgeschloss. En huet Akkordeon, Batterie, Gittar, Gei, Klarinett an och Bas-Gei gespillt.
Éischter duerch Zoufall koum de Fausti un d'Sangen, mee dat huet sech bei him zu enger Passioun entwéckelt. Scho mat 13 Joer ass de Fausti Danzmusek spille gaangen, spéider huet hie wéi kee aneren d'Fuesent zu Lëtzebuerg markéiert.
Lauschtert ee Gespréich tëschent dem Fausti an dem Jean-Claude Majerus aus dem Summer 2019
Méi zum Thema
De Fausti kritt 80 Joer
Den 80. Anniversaire vun engem Entertainer, deen ouni Zweiwel ee vun de bekanntste Lëtzebuerger ass, an dee musikalesch wäit méi ze bidden huet, wéi allgemeng ugeholl gëtt.
De Fausti
De Fausti ass ouni Zweiwel ee vun de bekannteste Lëtzebuerg, en Entertainer duerch an duerch a virun allem e aussergewéinleche Museker. De Jean Claude Majerus huet sech mat him iwwer säi Liewen ënnerhal.
