Dateschutz Datebanke bei Police a Justiz: Nobesserunge bis nächste Summer

D'Gesetz iwwer d'Datebanke bei Police a Justiz soll bis den nächste Summer nogebessert ginn, seet de François Bausch. De Minister fir bannenzeg Sécherheet seet, am Moment wier nach net kloer wéi eng Adaptatiounen néideg sinn. Bis Enn des Joers soll awer a groussen Zich bekannt sinn, wat muss geännert ginn. D'Zil wier, datt spéitstens am Summer d'nächst Joer entspriechend Texter virleien, sou de François Bausch. Hie seet, dat wier e "realisteschen Delai".

Rick Mertens / cz

François Bausch

D'Gesetz iwwer d'Datebanken bei Police a Justiz muss nogebessert ginn, sou de Minister fir bannenzeg Sécherheet. De François Bausch seet, datt déi entspriechend Texter bis den nächste Summer solle virleien.

Séier, mee ouni ze iwwerstierzen. Dat ass d'Manéier, mat där de grénge Minister an dësem Dossier wëllt virgoen. Bis d'Chrëschtvakanz sollen déi grouss Linne stoen, seet de Minister, dat wier e "realisteschen" Delai.

"An da solle mir a Rou kucken, datt mir awer bis den nächste Summer alles a Gesetzer gepaakt hunn, deposéiert hunn, oder Reglement Grand-Ducauxe bei de Staatsrot ginn hunn. Dat ass d'Zilsetzung."

Wat genee muss nogebessert ginn, ass am Moment nach net kloer. Éischt Indikatiounen doriwwer kéinten zwee Rapporte liwweren, déi Enn Oktober solle virleien. Deen ee gëtt vun der Dateschutz Kommissioun ausgeschafft, an deen anere vun der IGP, dem Kontrollorgan vun der Police.

Adaptatiounen an dräi Beräicher

De Minister nennt awer elo schonn dräi Beräicher, an deenen Adaptatiounen néideg sinn. Éischtens misst méi genee definéiert ginn, wéi d'Datebanke vun de Mataarbechter bei Police a Justiz definéiert ginn.

"An dat zweet, dat sinn natierlech d'Delaien: Wéi laang hale mir wat. Datt mir eis musse gutt iwwerleeën, wéi eng Vergehe mir wéi vill Joer dran halen."

Drëttens missten dës néi Bestëmmungen och mat de Reegele bei der Justiz ofgestëmmt ginn. Wéinst der Krankheet vum Félix Braz ass d'Sam Tanson jo fir dëse Beräich zoustänneg. De François Bausch geet awer net dovun aus, datt et duerch dëse Wiessel zu Verzögerunge kënnt. Hie seet, d'Sam Tanson hätt eng gutt juristesch Grondausbildung a kéint sech dofir bannen zwou bis dräi Wochen an d'Matière aschaffen.

Méi zum Thema

Charel Margue
Fichieren

Op de soziale Medien wier deelweis op eng "disproportionnéiert" Manéier Onrou geschaaft ginn, d'Press hätt awer eng "legitim" Aart a Weis gehat fir den Debat ze couvréieren, sou de President vun der Chamber Justizkommissioun.

Illustratioun Datebank maxxyustas
Datebanke bei Justiz a Police

D'Oppositiounsparteie sinn enttäuscht iwwer d'Äntwerte vun der CNPD. D'LSAP hält Nobesserunge vun der gesetzlecher Basis fir néideg. Fir d'CSV ass net d'Gesetz problematesch, mee d'Benotze vun de Fichieren an der Praxis.

Jean-Claude Franck Kommentar
Fichier Central

Et gouf vill Polemik iwwer eng Datebank vun der Police. D'Manéier, wéi d'ëffentlech Debatt mat ville Spekulatioune geféiert gëtt, bréngt dem Dateschutz an der Privatsphär wéineg, mengt de Jean-Claude Franck.

Gilles Roth, Charles Margue, François Benoy, Félix Braz
Fichier Central

Bei de Froe ronderëm d'Datebanke vu Police a Parquet verlaangt d'Oppositioun Opklärung. D'Ministere François Bausch a Félix Braz verspriechen Transparenz. Nach sinn net all Froe beäntwert.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen