LSAP-Spëtzekandidatur "Dat mautscht nach"

D'Paulette Lenert wéilt sech net ënner Drock setzen, ob si der LSAP 2023 als Spëtzekandidatin zur Verfügung steet. Si wéilt sech dat mat Recul gutt iwwerleeën - wann d'Pandemie bis eriwwer ass.

Maurice Molitor / cbi

Paulette Lenert
D'Gesondheetsministerin Paulette Lenert war eis Invitée vum Dag

De Resumé lauschteren


D'Paulette Lenert ënnersträicht, datt ee sech dat misst gutt iwwerleeën, ob ee sech fir de Posten als Spëtzekandidat disponibel erkläert. "Do steet een extrem am Fokus, et ass nach vill méi Drock, an ech hu geléiert, wat Drock ass an deene leschte Méint".

Impakt vun de Schoulmesuren ass nach net kloer

D'Paulette Lenert hätt den Androck, datt sech nach ëmmer vill Leit mat der Pandemie beschäftegen, ebe grad well den Hierscht grad kënnt. "Et ass ganz vill Onsécherheet am Raum", esou d'Gesondheetsministerin.

Aktuell ass nach net gewosst, wéi d'Schoulrentrée sech an den Infektiounszuele wäert bemierkbar maachen. Fir d'Paulette Lenert ass et deemno och schwéier fir eng definitiv Erkenntnis ze hunn aus deene "relativ gewote Schrëtt, déi geholl gi sinn".

D'Impfung bei d'Leit bréngen

Wat d'Impfquot ubelaangt, gëtt et déi fest Erkenntnis: si ass nach ze niddereg, se kënnt och net méi richteg vum Fleck. Dofir si weider Efforte geplangt, fir mat der Impfung bei d'Leit ze goen - an net méi drop ze waarden, dass si kommen.

Dofir géif d'Regierung denke fir d'Impfung iwwer de Wee vun der Aarbechtsmedezin an déi grouss Betriber ze kréien, mee och an d'Schoulen, an d'Centres commerciaux. "Do, wou d'Leit sinn".

Nëmmen eng besser Impfquot erlaabt e Retour an d'Normalitéit, et wier awer kee Prozentsaz definéiert, dee - wann en erreecht ass - zu engem Ophiewe vun alle Restriktioune féiert: "Nee, et gëtt kee festen Taux", esou d'Paulette Lenert.

D'Lëtzebuerger Regierung géif sech ganz staark un deene Länner orientéieren, bei deenen d'Impfquot ëm zéng Prozentpunkte méi héich géif leien, an déi Ouverturë gemaach hunn. D'Paulette Lenert nennt hei als konkret Beispill Dänemark, wou d'Quot vu komplett geimpfte Leit bei 75 Prozent läit. "Doraus kann een da réckschléissen, datt dat duergaangen ass."

Bis et souwäit ass, soll de CovidCheck hëllefen, dee Geimpften nees esouvill Normalitéit wéi méiglech zeréck ka ginn. Dat wier d'Zil vun deem Instrument: et géif mam CovidCheck net drëm goen, den Net-Geimpften d'Liewen ëmmer méi schwéier ze maachen.

An der Mediathéik:

Invité:e vum Dag / / Maurice Molitor
Lauschteren

Méi zum Thema

Dan Kersch
Lëtzebuerg

Den Aarbechtsminister schléisst net aus, datt hie scho virun de Chamberwale vun 2023 als Minister ophält. Hie géif den Ament driwwer nodenke wéi hie säi perséinlecht Liewe wéilt gestalten, sou den Dan Kersch.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen