Trennung vu Kierch a Staat Dan Kersch: Kierchefabricke mussen ofgeschaaft ginn

Den Inneminister Dan Kersch seet, hie géif aus dem Bréif vu Bistum a Syfel erausliesen, datt probéiert géif ginn, fir d’Kierchefabriken z’erhalen. Dat géif der Positioun vum Bistum widderspriechen an dat wier net akzeptabel. De Bistum misst sech un d'Konventioun halen, déi ënnerschriwe gouf. An där steet, datt d'Kierchefabriken ofgeschaaft ginn.

Daniel Schneider / sk

Dan Kersch
Inneminister Dan Kersch (Archivphoto radio 100,7)

Am Sträit ëm de Kierchefong gëtt et eng grondsätzlech Eenegung tëscht dem Bistum an dem Daachverband vun de Kierchefabricken (Syfel). Dat hu béid Säite gëschter matgedeelt.

Dem Pressespriecher vun der Kathoulescher Kierch Roger Nilles no géif et am Konsens ëm véier Punkte goen:

  • d'Befreiung vun de Gemenge vun hire gesetzleche Verflichtunge géintiwwer de Kierchefabricken
  • d'Personnalité juridique an d'Fusioun vun de Kierchefabricken
  • d'Klärung vun de Besëtzverhältnisser vun de Kierchegebaier
  • d'Ariichte vun engem Kierchefong

D'Virschléi wieren dem Inneminister Dan Kersch schrëftlech matgedeelt ginn. Soulaang ee keng Äntwert vum Dan Kersch hätt, wéilt een net op d'Detailer agoen, esou de Kierche-Spriecher. Deemno léich de Ball elo beim Minister, huet de Roger Nilles betount.

Den Inneminister Dan Kersch wëllt de Bréif nach am Detail analyséieren. Hie géif awer erausliesen, datt d'Konventioun, déi vum Bistum mat ënnerschriwwe gouf, a Fro gestallt géif ginn. Dat géif d'Regierung net gutt heeschen, esou de Minister.

"Et ass elo schwéier eng endgülteg Ausso doriwwer ze maachen. Mee wat fir mech kloer ass: d'Kierch ass déi eenzeg, déi doriwwer ze bestëmmen huet, wéi den zukünftege Fong soll funktionéieren. Wann de Bistum domat averstanen ass, fir ënnerhalb vun deem Fong weider Entitéiten ze schafen, déi och eng Personnalité juridique kréien, dann ass dat der Kierch hir Ugeleeënheet. A wa si sech doriwwer mam Syfel eens ginn, dann ass dat fir mech kee Problem. Wat fir mech e Problem géif ginn, dat ass, wa géif a Fro gestalt ginn, wat de Bistum zesumme mat der Regierung ënnerschriwwen huet, nämlech datt den Dekret vun 1809 géing ofgeschaaft ginn an domat och d'Kierchefabricken. Wann dat géif a Fro gestalt ginn, da misst ech mech engem Accord opposéieren".

Hien hätt och mëndlech Erklärunge vun den zwou Parteie kritt, déi géifen undeiten, datt d'Konventioun aus dem Joer 2015 net agehale géif ginn. De Kierchefong an d'Ofschafe vun de Kierchefabricke géifen also a Fro gestallt ginn.

Nach dëse Mount sollen e puer Amendementer um Gesetzesprojet gemaach an de Projet dem Staatsrot da virgeluecht ginn, esou de Minister. Hie wier a permanentem Dialog mam Bistum.

Radiobäitrag - Accord Bistum a Syfel

Méi zum Thema

Jean-Claude Hollerich2.JPG
Kierchefabricken

De Sträit bannent der Kierch spëtzt sech zou. Den Äerzbëschof refuséiert, d'Konventioun iwwert d'Basilika z'ënnerschreiwen, wéinst enger Klo vu Kierchefabricken an hirem Daachverband.

Marc Linden.JPG
Trennung Kierch a Staat

De Marc Linden, Vize-President vum Syndikat vun de Kierchefabriken, versteet net firwat den Dekret vun 1809 iwwerhaapt huet mussen ofgeännert ginn. D'Defiziter vun de Kierchefabriken wiere nämlech net grouss. 

Net verpassen

  • 24.01. Opruff Media & Me

    Media and Me_2022_1200x667px.jpg

    De radio 100,7 mécht och dëst Joer mat beim Projet Media & Me an Dir kënnt Iech elo dofir umellen.

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen