Drogen "D'Sucht ass d'Spëtzt vum Äisbierg"

Drogesucht ass vill méi e komplexe Problem, wéi d'Leit mengen. Dat huet de Romain Pauly a senger laangjähreger Erfahrung gemierkt. Hien ass Direkter vum "Centre Thérapeutique Manternach Syrdall Schlass". Hie geet no 32 Joer an d'Pensioun.

Maxi Pesch

Romain Pauly
Romain Pauly

Wéi bei all Äisbierg wier d'Spëtzt kleng. Ënnen drënner wiere relativ vill Problemer, sou de Romain Pauly. "Aus menger Siicht verstoppt d'Ofhängegkeet vill aner Problemer, déi sech eréischt weise wann d'Patiente bis bei eis sinn." Dat géif d'Behandlung och vill méi komplex maachen.

D'Leit, déi an de "Centre Thérapeutique Manternach Syrdall Schlass" kommen, wiere scho relativ wäit an der Ofhängegkeet dran. Am Prinzip géifen d'Patienten tëschent dräi Méint an engem Joer do bleiwen. Den Alldag wier ustrengend fir d'Patienten. "Do ass net dee ganzen Dag Freed. Do ass Beschäftegung ugesot, mir schwätzen iwwert d'Zukunft an d'Vergaangenheet, an do komme mat Sécherheet Leit a Krisen". Well just duerch Krise wieren Ännerunge méiglech, mengt de Romain Pauly.

Emotional Relatiounen

D'Patiente misste sech als éischt eemol an ee strukturéierten Dagesoflaf gewinnen. Nodeems Si de "Centre Thérapeutique" verlooss hu wier et wichteg datt si weider begleet ginn. "Also Dir ännert Äert Liewen net, wann Dir dräi Méint Therapie maacht. Mir hunn d'Méiglechkeet bei eis fir eng Postkur ze maachen". Do wier d'Betreiung zwar minimal, mee et wéilt een d'Leit net op d'Strooss setzen. Dozou géifen och Réckfäll gehéieren.

Verschidde Leit géife méi dacks an d'Therapie zeréck kommen. Do géif een dann och emotional Relatioun opbauen."Dat mécht eis Professionalitéit awer aus, do muss ee sech a Fro stellen a léiere wéi een domadder ëmgeet".

Genuch Ufuerderunge stellen

Méi generell bedauert de Romain Pauly datt den Drogenofhängegen ëmmer manner Ufuerderunge gestallt ginn. Virun 32 Joer hätten d'Leit nach méi Ressource gehat. "Mir mussen oppassen datt mir net guer näischt méi verlaange vun eise Leit. Wat s de manner verlaangs, wat s de manner kriss. Wa mir Leit hunn déi Schwieregkeeten am liesen a schreiwen hunn, da soe mir him e misst an de Cours goen. Soss géif en net goen".

An der Mediathéik:

Invité vum Dag / / Maxi Pesch
Lauschteren

Méi zum Thema

Women St Pierre.jpeg
Philippinnen

Mënscherechtler kritiséieren d'Methode vum President Rodrigo Duterte bei der Bekämpfung vum Drogeproblem. Hien geet op eng haart Aart a Weis géint d'Kriminalitéit fir an ëmgeet gesetzlech Prozeduren.

Crystal Meth
Nationalen Drogerapport

2.000 Leit zu Lëtzebuerg hunn akut Problemer mat Drogen. Dat geet aus deem neien Drogerapport ervir. De Konsum vu Kokain hëlt zou. Suerge mécht ee sech iwwer Fraen a Kanner am Drogenhandel.

 

Net verpassen

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen