Chrëschtdag "D'Relioun spillt nëmmen nach eng marginal Roll"

E Méindeg ass Chrëschtdag. An de leschte Joren ass dëst Evenement ëmmer méi kommerzialiséiert ginn. Do kann ee sech mol d'Fro stellen, op dee reliéise Volet, dee jo un der Basis vun deem Fest steet, net ze kuerz kënnt. Fir de Generalvikar Leo Wagener kann een dat net verallgemengeren.

Paule Rodesch

Leo Wagener

Dat Reliéist u Chrëschtdag géif an der Majoritéit vun der Gesellschaft éischter eng marginal Roll spillen. Dat misst hien éierlech zouginn. Allerdéngs wieren d'Gottesdéngschter op deenen Deeg awer méi besicht, wéi zu aneren Zäiten.

Trotzdeem hätt Chrëschtdag eng ganz präägend Kraaft an den Traditioune vun de Famillen, betount de Generalvikar Leo Wagener.

"Et ass ee Fest, dat d'Leit zesummebréngt. Ee Fest, dat verbonne gëtt mam Message vu Fridden a Mënschlechkeet."

Grad och an deenen Deeg wiere vill Leit sensibel, fir vis-à-vis vu Mënschen an Nout e Geste vu Solidaritéit ze maachen. Dat géif een och gutt un deene ville Spendenopriff vun ONGe gesinn.

Poren a Famillen nees a Kontakt bréngen

Fir d'Relioun nees méi no bei d'Leit ze bréngen, kéint ee sech awer net nëmmen op Chrëschtdag als een isoléiert Fest baséieren, mengt de Generalvikar. Do géif eng ganz Demarche dozou gehéieren.

Eng méiglech Pist wier déi, déi een elo an de Poren ugefaangen hätt. Nämlech d'Catéchèse (den Enseignement vum chrëschtleche Glawen) mat Erwuessenen a Kanner, wou nees méi Famille mat de Poren an de Mataarbechter an de Poren a Kontakt kéimen. Do misst een elo ofwaarden, op duerch déi Efforten op laang Siicht dat Reliéist nees an de Virdergrond réckelt.

Ofschafung vun de Kierchefabricken

Nei Piste muss d'Kierch och op anerem Plang ausschaffen. Am Januar soll viraussiichtlech dat neit Gesetz iwwert d'Ofschafung vun de Kierchefabricken an der Schafung vun engem Fong, deen déi Gebaier soll verwalten, an der Chamber gestëmmt ginn. Do wäert sech dann och d'Kierch mussen aneschters opstellen.

Am Abrëll géif dat neit Gesetz wahrscheinlech a Kraaft trieden, sou de Generalvikar Leo Wagener. Duerno géif een dann ufänke mat Informatiounsversammlungen, fir d'Leit ze mobiliséieren an ze motivéieren, fir an där neier Struktur matzemaachen.

Lauschtert den Interview mam Generalvikar Leo Wagener:

Lauschteren

Méi zum Thema

Leo Wagener
Kathoulesch Kierch

Den Äerzbëschof ass am Gaang e Paschtouesch-Seminaire fir Auslänner opzebauen, well et schwéier ass zu Lëtzebuerg genuch Nowuess ze fannen. Sechs Leit wäre scho rekrutéiert, esou de Generalvikar Leo Wagener.

Marc Linden
Trennung Kierch a Staat

De Sträit tëscht dem Daachverband vun de Kierchefabricken an der Regierung ëm d'Proprietéite vun der Kierch spëtzt sech zou. De Marc Linden, Vizepresident vum Syfel, dreet der Regierung mat Prozesser.

Riicht Eraus Riicht Eraus
Méi grouss Trennung tëscht Kierch a Staat

Den Inneminister ass am Sträit ëm d'Zukunft vun de Kierchefabricken net averstane mam Virschlag vum Bistum a vum Syfel. Hien huet e Géigevirschlag gemaach - a wënscht sech bis de Méindeg eng Äntwert.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Generatiounen

Praktesch Infoen

  • 3.6. Generatiounen

    3.6. Generatiounen

    Manner Kalorien, Orchester an Danzmusek mam René de Bernardi an "The Sound of Music"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen