National Airline D'Luxair wëllt u kuerze Strecke festhalen
D'Luxair wëllt weider un hire Kuerzstreckeflich festhalen, obwuel d'Kritik un deene Flich an Europa méi grouss gëtt. De Luxair-Generaldirekter Gilles Feith seet, d'Lëtzebuerger Airline géif un hire kuerze Flich festhalen, esou laang et op deene Strecken keng Zuchverbindunge ginn, déi en änleche Confort bidden.
Als Beispill nennt hien de Vol vu Lëtzebuerg op Paräis. Vill Passagéier géife vu Paräis aus op aner Destinatioune viru fléien, esou datt d'Luxair Paräis als Destinatioun géif bäibehalen.
D'Luxair huet nach ëmmer däitlech manner Clienten, ewéi virun der Covid-Pandemie. D'Buchunge bei der Airline wieren am Juni ëm ongeféier 80 Prozent méi niddereg, ewéi zu normalen Zäiten, sou de Gilles Feith. D'Pauschalreese vu Luxair Tours hätte sech dogéint méi séier erholl. Hei géif de minus bei 30 bis 40 Prozent léien, sou de Luxair-Generaldirekter. Hie rechent awer fir dëse Summer mat Buchungs-Zuelen, déi mat deene vu virun der Covid-Kris vergläichbar sinn.
Fir de Summer wäert een awer bei Luxair Tours op 100 Prozent vun de Capacitéite sinn, op e puer Destinatiounen eventuell souguer iwwer 100 Prozent, sou datt nach Volle misste bäigesat ginn, sou de Gilles Feith. Et wéilt een awer och weider "abordabel" Präisser behalen, fir jiddwerengem d'Méiglechkeet ze ginn, sech erëm ze beweegen.
An der Mediathéik:
LauschterenMéi zum Thema
Luxair soll bis 2024 erëm "fit" sinn
Fir d'Luxair fir 2024 erëm fit ze maachen, soll een Aarbechtsgrupp an den nächste Woche Resultater ausschaffen. De 7. Oktober ass déi nächste Ronn vun der Aviatiounstripartite, esou de Minister François Bausch no der Sitzung en Donneschdeg.
Luxair: Nei Destinatioune sollen aus der Kris féieren
D'Luxair wäert wuel nach méi laang Zäit net profitabel sinn, esou den neie Luxair-Generaldirekter. Am Moment géif d'Luxair ronn een Drëttel manner fléien, éei ëm dës Zäit d'lescht Joer, esou de Gilles Feith.
