Educatioun D'Grondschoul wéi nach ni virdrun
D'Grondschoul huet de Méindeg hir Dieren no zéng Woche Confinement nees opgemaach. Wochelaang ass an de Gemenge geschafft gi fir déi sanitär Reegelen och an de Schoulen ëmzesetzen. Den Educatiounsminister Claude Meisch war zu Diddeleng d'Grondschoul Ribeschpont besichen. Déi 156 Schüler aus den néng Klasse goufen an zwou Gruppen opgedeelt.
Wärend Wochen hat ee sech op déi dach aussergewéinlech Schoulrentrée virbereet. Sanitär Ekipementer, Markéierungen an d'Opstellung vun de Gruppen, déi och parallel zur Maison Relais huet misste funktionéieren. D'Kanner hate fir an d'Schoul eng Mask un, dëst mat Ausnam vun deene klenge Butzen, déi keng hu bräichten ze droen. D'Schüler ware frou erëm do ze sinn, hir Frënn a Kolleegen ze gesinn, mee dat mat der Mask war net esou einfach.
An der Mediathéik:
LauschterenMéi zum Thema
"Eng komplex Aufgab"
D'Reouverture vun der Grondschoul wier komplex, esou den Educatiounsminister an de Syvicol-President virun der Press. Vum 25. Mee u gi méi Raimlechkeete, méi Personal a méi Schoulbusse gebraucht.
Enseignantsgewerkschaft: "Et kann een net vu Schoul hale schwätzen"
An der Grondschoul kéint een am Moment net wierklech vu Schoul hale schwätzen, seet de Patrick Arendt. Och am Lycée wäert et schwéier ginn, fir mam Programm weiderzefueren, seet de Raoul Scholtes.
