"Reaction à Chaud" D'Gesondheetsministerin reagéiert op Kritik vum saarländesche Ministerpresident

D'Gesondheetsministerin Paulette Lenert gesäit d'Kritik vum saarlännesche Ministerpresident als eng "réaction à chaud". Si géif sech froen, ob den Detail vun de geplangte Mesurë scho bekannt wier, esou d'Ministerin de Mëttwoch Mëtteg op Nofro hin.

Serge Kesseler / cz

Paulette Lenert, ministre de la Santé
Foto: SIP / Emmanuel Claude

An hiren Aen wieren déi geplangte Moossname vum 11. Januar u keng Lockerungen, mee si kéimen nach engem "partielle Lockdown" no, sou déi Lëtzebuergesch Gesondheetsministerin.

D'Paulette Lenert

De Ministerpräsident vum Saarland Tobias Hans huet di lëtzebuerger Corona-Politik haut kritiséiert. Et wier irresponsabel, datt Lëtzebuerg en vue vun den aktuellen Infektiounszuelen nees Deelberäicher géif opmaachen, sou de Hans am Interview mam Saarländischer Rundfunk.

Den Tobias Hans

D'Moossname sollen elo am Detail mam Saarland duerch geschwat ginn, huet d'Ministerin ugekënnegt. De Lëtzebuerger Ausseministère wier a Kontakt mat Saarbrécken.

An der Woch vum 28. Dezember op den 3. Januar goufen hei am Land 1.135 Awunner positiv op de Corona-Virus getest: dat waren 11 Prozent manner wéi déi Woch virdrun. Well manner PCR-Tester gemaach goufe wieren d'Zuelen awer mat Virsiicht ze genéissen, esou de Ministère. Iwwert d'Hallschent vun den Neiinfektioune wieren am "cercle familial" geschitt. Bannent de leschten zwou Wochen sinn hei am Land am ganzen 58 Mënschen a Relatioun mam Corona-Virus gestuerwen.

Méi zum Thema

Xavier Bettel
No annoncéierte Lockerungen

De Premier Xavier Bettel verdeedegt d'Decisioun vun der Regierung, fir eenzel Restriktiounen ze lackeren. Et misst een awer och séier reagéiere kënnen, wa beispillsweis an dräi Wochen d'Zuelen erëm an d'Luucht géife goen.

Chambersplénière
Restriktiounen

D'Infektiounszuele misste weider erof an d'Spideeler entlaascht ginn, heescht et vun den Oppositiounsparteien. Si sinn net mat den neie Covid-Mesuren averstanen, aus ganz verschiddene Grënn.

Net verpassen

  • 24.01. Opruff Media & Me

    Media and Me_2022_1200x667px.jpg

    De radio 100,7 mécht och dëst Joer mat beim Projet Media & Me an Dir kënnt Iech elo dofir umellen.

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen