D'Presidentin vun der CSV international sot eis, si hätt fir d'Mesurë gestëmmt, wa si an der Chamber wier. D'CSV géif mat hirem "Nee" zum Text riskéieren e falschen Androck ze ginn.
Grad Leit, déi kee Lëtzebuergesch schwätzen, kéinten duerch dëse Vott den Androck kréien, datt CSV komplett géint méi streng sanitär Mesurë wier, dobäi wär dat guer net de Fall, esou d'Daniela Clara Moraru.
Déi international Sektioun vun der CSV huet eegenen Aussoen no eng 800 Memberen, wat ongeféier zéng Prozent vun all de Parteimemberen ausmécht.
