Gesondheetswiesen Corps Médical: Voll Konzentratioun op d'Corona-Pandemie

Wéinst der Corona-Pandemie reduzéiren d'Dokteren hir programméiert Consultatioune an hire Cabineten, sou den Dr. Philippe Wilmes. Dem Vizepresident vun der AMMD no géif de Corps Medical sech den Ament just op d'Corona-Pandemie konzentréieren.

Maxi Pesch / cz

Dokteren
Foto: Dokteren / Bigstock / World Image

De Bäitrag vum Maxi Pesch lauschteren


D'Patiente géifen als éischt bei hiren Dokter uruffen, an da géif zesumme gekuckt ginn, wéi et weidergeet, erkläert de Philippe Wilmes. "An hien decidéiert mat sengem Dokter zesummen, ob dee Problem, deen hien huet et noutwendeg mécht, fir bei den Dokter an de Cabinet ze kommen, oder ob e kann à distance iwwer d'Télé-Medezin gereegelt ginn." Eventuell misst de Patient eventuell an eng vun den neie Maisons medicales, déi haut opgaange sinn. Verschidden d'Dokteren hätten elo manner Aktivitéit an hirem Domaine. Si hätten da méi Sputt fir sech op d'Bekämpfung vum Coronavirus ze konzentréieren. De finanzielle Verloscht, deen doduerch kéint fir déi eenzel Dokteren entstoen, stéing net un éischter Plaz.

"Wichteg wier elo, datt verhënnert gëtt, datt et zu enger Katastroph fir d'Populatioun gëtt. Dat huet de Corps médical momentan op der Agenda. An alleguer déi aner Saachen, dorunner denke mer bis elo mol net. Mir ginn dovun aus, datt een alles gereegelt kritt, wat ze reegelen ass, wann dat heiten eriwwer ass."

An de Klinicke géifen d'Doktere jee no Spezialisatioun och a verschidden Ekippen agedeelt ginn, fir géint de Coronavirus ze kämpfen, erkläert nach de Philippe Wilmes.

Ënnerstëtzung duerch d'Télé-Medezin

Zanter ufangs der Woch ass och d'Télé-Medezin en Place. Dat wier d'Urgence d'lescht Woch decidéiert ginn, erkläert de Philippe Wilmes. Doduerch kéint en Dokter elo e Krankeschäin ausstellen, ouni de Patient mussen ze gesinn. Och an de Spideeler géif un enger telemedezinescher Solutioun geschafft ginn.

An enger zweeter Phas soll d'Télé-Medezin da mat der Gesondheets-App verbonne ginn. Dat géif e vertraulechen Austausch tëschent dem Patient an dem Dokter erméiglechen.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen