Chamber Chamberoppositioun fuerdert Asiicht an de ganzen RTL-Konzessiounsvertrag
D'Cour administrative hat dës Woch no enger Klo vum Deputéierte Sven Clement decidéiert, d'Regierung misst him de Konzessiounsvertrag tëscht dem Staat an RTL weisen. D'DP wollt den Donneschdeg d'Regierung an enger Motioun opfuerderen, si soll analyséieren wat d'Suitten vum Arrêt wieren. Domat war d'Oppositioun net d'accord. Aus hirer Siicht wier keng Analys néideg. Den Arrêt misst ëmgesat ginn an eng Salle de lecture ageriicht ginn. Eng Motioun vun der Oppositioun, fir den Kontrakt virzeleeën huet d' Majoritéit net matgedroen. D'Oppositioun wëllt préiwen, ob RTL nom Restrukturéierungsplang vun 2019 nach d'Konditiounen vum Konzessiounsvertrag erfëllt.
De Bäitrag vum Michèle Sinner lauschteren
Nom Uerteel vun der Cour administrative woll den Donneschedg den DP-Deputéierte Pim Knaff d'Regierung an enger Chamber-Motioun opfuerderen, den Arrêt vun der Cour z'analyséieren an ze kucken wat d'Konsequenzen wieren. Domat war d'Oppositioun net d'accord. Déi Motioun wier eng Hérésie esou den Gilles Roth. De Staat - also an dësem Fall d'Regierung - misst d'Urteel "ganz einfach applizéieren", sou den CSV-Deputéierten.
Oppositioun: D'Deputéiert mussen Accès op d'Dokument kréien
Et wier un der Chamber e Liesraum anzeriichten, esou d'Fuerderung vun der Oppositioun. De Sven Clement vun de Piraten, ob deem seng Klo d'Urteel zeréckgeet, huet de Medieminister opgefuerdert, fir him de komplette Konzessiounsvertrag inklusiv Contrat d'ancrage ze weisen, sou wéi d'Cour administrative dat an hirem Urteel géif verlaangen.
D'Oppositioun huet och d'Recevabilitéit vun der Motioun a Fro gestallt. Doropshin huet de Chamberpresident Fernand Etgen proposéiert d'Motioun un d'Conférence des presidents ze ginn, fir doriwwer ze decidéieren. De Roy Reding huet dunn eng al Motioun virgeluecht, iwwer déi net ofgestëmmt gi war, esou laang d'Geriichtsprozedur virun der Cour administrative am gaange war. Och den adr-Deputéierten huet Asiicht an de ganze Konzessiounsvertrag gefrot. Deem hu sech déi aner Oppositiounsparteien ugeschloss. Amplaz, datt all Deputéiert misst eenzel ufroen, fir de Vertrag ze gesinn, géif ee mat där Motioun der Dispositioun vun der Cour nokommen, datt d'Deputéiert mussen d'Dokumenter ufroen.
Chaotesch Ofstëmmung
Mee d'Majoritéit wollt net. D'Fraktiounscheffen vun LSAP, de Georges Engel an DP de Gilles Baum hu sech zu Wuert gemellt.Déi sinn awer am Verwaltungsrot vu CLT-UFA an hätten net dierfe schwätzen huet de Fernand Kartheiser gemengt. Dem Gilles Baum no wier d'adr-Motioun vun 2017 "superfétatoire " a misst dofir net gestëmmt ginn.
Schliisslech huet missen zweemol ofgestëmmt ginn, well déi Gréng am éischten Tour net gestëmmt haten an de Chamberpresident méi Stëmmen dogéint gezielt hat, wéi dat rechneresch méiglech war. D'Motioun vun der ADR gouf schliisslech mat de Stëmme vun der Majoritéit ofgeleent.
Méi zum Thema
Deputéiert mussen de ganzen RTL-Konzessiounsvertrag gewise kréien
De Medieminister Xavier Bettel muss den Deputéierte vun der Medienkommissioun an der Chamber de ganze Konzessiounsvertrag vun RTL weisen. Dat huet de Verwaltungsgeriichtshaff den Dënschdeg decidéiert.
Accès op den RTL-Konzessiounsvertrag: Piratepartei geet an Appell
D'Piratepartei geet an Appell. Dat nodeems d'Verwaltungsgeriicht sech fir net kompetent erkläert huet bei der Fro, ob de Premier- a Medieminister den Deputéierten de ganze Konzessiounsvertrag vun RTL misst weisen oder net.
RTL-Group: E Minus vu 40 % bei de Publicitéitsrecetten
RTL Group krut d'Covid-19-Pandemie am éischte Semester ferm ze spieren. De Benefice geet am Verglach mam leschte Joer ëm 65 Prozent op 156 Milliounen Euro zeréck. Bei de Publicitéitsrecetten ass et e Minus vu 40 Prozent.
"Et feele Garde-fouen"
An der Mediekommissioun vun der Chamber lafen den Ament d'Preparatiounen fir d'Consultatiounsdebatt iwwert de Service public an den audiovisuelle Medien op Héichtouren. De President vum Presserot plädéiert fir staark Garde-foue bei Medie mat ëffentlech-rechtlechem Optrag.
Sven Clement mécht Recours géint Regierung
Den Deputéierte Sven Clement mécht e Recours um Verwaltungsgeriicht, fir vum Premier- a Medieminister Kopië vun allen Accorden tëschent dem Staat an dem Grupp RTL ze kréien.
Exklusiv
RTL Group: OGBL a Piratepartei fuerderen Asiicht an den Accord d'Ancrage
Ginn d'Konditiounen déi tëschent dem Staat an RTL Group festgehale sinn agehalen? Déi Fro stellt sech ënnert anerem den OGBL, nodeems den Dënschdeg de Sozialplang fir 69 Mataarbechter tëschent RTL Group ënnerschriwwe gouf.
Exklusiv
No RTL Group, Plazenofbau elo och bei CLT-UFA?
Nodeems RTL annoncéiert huet um Niveau Group Plazen zu Lëtzebuerg ofzebauen, kéinten elo och Plaze bei der Lëtzebuerger Entitéit CLT-UFA verschwannen. Dat behaapt den OGBL. RTL Group dementéiert dës Informatioun formell.
Verhandlunge fir Sozialplang bei RTL Group
Enn August hat RTL Group Restrukturéierungen ugekënnegt. D'Verhandlungen tëschent der Direktioun an der Personaldelegatioun ëm e Sozialplang sti virun der Dier. Déi dierften awer schwiereg ginn.
Standuert Lëtzebuerg am Abseits?
RTL-Group huet en neie CEO: de Bert Habets huet iwwerraschend demissionéiert, den Thomas Rabe iwwerhëlt. Wat bedeit dat? D'Aschätzung vum däitsche Mediejournalist Thomas Lückerath.
10 Milliounen Euro d'Joer fir RTL Télé
De Kommunikatiounsministère consideréiert de Programm vun RTL Télé vun 2021 un als service public. Dofir wëll déi blo-rout-gréng Regierung de Staat mat enger direkter Subventionéierung engagéieren.
Wéi eng Zukunft fir RTL Télé Lëtzebuerg?
An Zukunft soll de Staat den Defizit vun RTL Télé iwwerhuelen. Dobäi handelt et sech ëm eng onkloer Zomm a Milliounenhéicht pro Joer. De Konzessiounsvertrag soll an Zukunft och verkierzt ginn.
