Ëffentlechen Transport CFL-Direkter: "D'Zich waren 2019 méi dacks pénktlech"
D'Zich vun den CFL waren d'lescht Joer méi dacks pénktlech wéi d'Joer virdrun. De Prozentsaz vun den Zich, déi keng Verspéidung haten, wier 2019 vun 89 op 90 Prozent geklommen, esou de Marc Wengler.
Hie schwätzt vun engem "gudde Resultat", virun allem wann ee géif bedenken, datt am Moment vill um Zuchreseau geschafft gëtt. Aus deem Grond kéint een och net all Joer mat Verbesserunge rechnen. Et géifen nach aner Chantiersphase kommen, mee et kéint een net onbedéngt d'Offer augmentéieren.
D'Eisebunn ka kuerzfristeg keng zousätzlech Zich asetzen, wann de gratis ëffentlechen Transport e grousse Succès hätt, seet den Direkter vun der CFL. Am Moment géifen d'CFL schonn all Dag all hir Zich asetzen, esou de Marc Wengler.
Hie betount awer, op méi laang Siicht géif d'Capacitéit an d'Luucht geschrauft ginn. Bis 2024 solle 34 nei Zich dobäi kommen: zu deem Zäitpunkt kennen da 46 Prozent méi Passagéier transportéiert gi wéi haut.
An der Mediathéik:
LauschterenMéi zum Thema
Bal all d'CFL-Guicheten am Land maachen zou
Mam Ufank vum gratis ëffentlechen Transport wäerte just nach d'Guicheten an der Stad Lëtzebuerg an zu Esch-Belval op sinn. Wat bréngt dës Verännerung mat sech? D'Rahel Könen huet nogefrot.
"Mir sinn net prett fir de gratis ëffentlechen Transport"
Lëtzebuerg wier momentan nach net prett fir de gratis ëffentlechen Transport, seet d'Presidentin vun der Eisebunnergewerkschaft Syprolux. Wéinst de ville Chantiere kéint "de Schoss no hanne lassgoen", sou d'Mylène Bianchi.
