Coronavirus Cargolux huet hir reegelméisseg Flich a China agestallt

Bis den 11. Februar solle keng reegelméisseg Flich vun der d'Cargolux méi a China fléien. Dat huet d'Cargoairline op Nofro hi matgedeelt. Ausname sinn d'Charterflich mat Medikamenter u Bord.

Maxi Pesch / cbi

Exklusiv Cargolux Fliger
Foto: Wolfgang Mendorf (Archiv)

De Bäitrag vum Maxi Pesch lauschteren


Charterflich, déi medezinescht Material wéinst dem Coronavirus op d'Plaz bréngen, wieren awer méiglech, esou Cargolux. D'Pilote géifen an esou engem Fall awer net a China aus dem Fliger klammen.

D'Cargogesellschaft géif wärend dem Chineseschen Neie Joer, dat wéinst dem Virus bis den 9. Februar verlängert gouf, souwisou scho manner a China fléien. Deemno wier d'lescht Woch bis op de Cargofluch, dee medezinescht Material op d'Plaz bruecht huet, kee Fluch a China gewiescht.

Weider heescht et, datt de Management amgaang wier zousätzlech Sécherheetsmesurë wéinst dem Coronavirus ze plangen. Detailer dozou wollt d'Cargogesellschaft nach net matdeelen.

D'Cargolux flitt normalerweis 23 Mol d'Woch a China a véier Mol d'Woch an Taiwan.


Notiz: An enger éischter Versioun vun dësem Artikel war den Titel "Cargolux flitt de Moment net méi a China". Dat gouf verbessert: Bis den 11. Februar sinn effektiv keng reegelméisseg Flich méi geplangt, mee awer Charterflich.

Méi zum Thema

Dr. Jean-Claude Schmit
Gesondheet

De Verdachtsfall vun enger Infektioun mam Coronavirus huet sech net bestätegt. Dat deelen de Gesondheetsministère an den Haut-Commissariat à la protection nationale de Samschdeg Owend an engem Communiqué mat.

Markus Ollert LIH
Gesondheet

Et wier schwéier anzeschätzen, wei geféierlech de Virus wierklech ass, sou de Markus Ollertvum vum LIH. Et soll ee sech awer op eng méiglech Epidemie virbereeden, sou den Direkter vum Departement fir Infektiouns- an Immunerkrankungen.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen