Héichwaasser an Däitschland Bewärungsprouf fir den Armin Laschet?

An Däitschland reagéieren d'Parteispëtzten op d'Héichwaasser-Katastroph a verspriechen de Betraffenen hir voll Ënnerstëtzung. Vu Walkampf wëllt zwar keen eppes wëssen, mee den individuelle Krisemanagement kéint nach eng ganz entscheedend Roll spille mat Bléck op d'Wal am September. Déi däitsch Press erënnert sech un e puer ganz bekannt schwaarz Gummisstiwwelen.

Max Tholl (Berlin) / cbi

Armin Laschet (CDU) bei de Pompjeeë vun Hagen
Den Armin Laschet bei de Pompjeeë vun Hagen. Foto: picture alliance/dpa | Roberto Pfeil

D'Héichwaasser hannerléisst e grujelege Bilan: bis elo sinn an Däitschland schonn iwwer 90 Mënschen ëm d'Liewe komm a vill gi weiderhi vermësst. D'Iwwerschwemmungen hunn a wäiten Deeler vun de Bundeslänner Rheinland-Pfalz an Nordrhein-Westfalen en Totalschued ugeriicht an déi Betraffe brauchen elo séier Ënnerstëtzung.

D'Politik huet sech ageschalt an hir voll Ënnerstëtzung signaliséiert. D'Bundeskanzlerin Angela Merkel ass den Ament an den USA op Déngschtrees an huet de betraffene Persounen hiert Matgefill ausgeschwat a versprach, datt d'Bundesregierung si wäert ënnerstëtzen. A well d'Kanzlerin grad net am Land ass, geréit hire Parteikolleeg a potentiellen Nofollger un der Spëtzt vum Land, den Armin Laschet, an de Fokus.

Armit Laschet wëllt domat kee Walkampf maachen

De Ministerpresident vun Nordrhein-Westfalen huet seng Walkampftour am Süde vum Land ofgebrach, fir sur place mat Betraffenen ze schwätzen a sech e Bild vun der Katastroph ze maachen. Gëschter war hien zu Hagen an dono zu Altena, wou d'Iwwerschwemmunge grousse Schued ugeriicht hunn - op Press huet hien dobäi verzicht.

Well vu Walkampf wëllt hien näischt wëssen. "Das ist keine Frage, mit der man Bilder erzeugen will", hat hien argumentéiert. All Ministerpresident, dee säin Amt géif eescht huelen, wier a sou engem Moment op der Plaz - Walkampf hin oder hier.

D'Bild vum Krisemanager

Mee natierlech hänkt elo vill vum Laschet sengem Handelen of, besonnesch well hie sech an der Corona-Pandemie net als erprouften an charakterstaarke Krisemanager konnt presentéieren. Esou eng Katastroph a sengem Bundesland, zwee Méint virun der Bundestagswal, kéint eng entscheedend Bewärungsprouf ginn, fir seng Qualitéiten ënner Beweis ze stellen.

An et erënnert natierlech un déi sougenannt "Jahrhunderflut" ronderëm d'Elbe am Joer 2002. Den deemolege Kanzler Gerhard Schröder war deemools a schwaarze Gummisstiwwelen duerch d'Waasser marschéiert an huet sech mediewierksam als Krisemanager inzenéiert, wat him e puer Méint méi spéit d'Wal gerett huet.

D'Konkurrenz schléift net

Elo kënnt dem Armin Laschet säin eegene "Gummistiefel-Moment", och hien huet sech gëschter a schwaarze Stiwwele sur place fotograféiere gelooss. Déi däitsch Zeitung "FAZ" prognostizéiert schonn e "Gummistiefel-Wahlkampf". Well och dem Laschet seng Kontrahente loossen sech an de betraffene Gebidder weisen.

Den SPD-Kanzlerkandidat Olaf Scholz war gëschter a Rheinland-Pfalz ënnerwee a sot, d'Regierung misst de Leit ënner d'Äerm gräifen. D'Annalena Baerbock huet sech per Twitter ageschalt a wäert fréizäiteg aus hirer Vakanz zeréckkommen.

Katastrophen an Zukunft verhënneren

Sie all hunn betount, datt dës Ëmweltkatastroph e weidere Beweis dofir ass, datt ee beim Klimawandel méi aktiv muss ginn. Den Armin Laschet hat gëschter Mëtteg méi Tempo beim Klimaschutz gefuerdert, e puer Stonne méi spéit an der "WDR"-Sendung "Aktuelle Stunde" sot hien awer "Weil jetzt so ein Tag ist, ändert man nicht die Politik".

E kloert Bekenntnis zu méi Klimaschutz kléngt anescht, et passt awer zum CDU-Walprogramm, deen hei relativ vag ass. Et kënnt awer net nëmmen dorop un, elo an dëser Situatioun e gudde Krisemanagement ze weisen, mee och eng Politik en vue ze stellen, déi esou Katastrophen an Zukunft verhënnere wëll.

An der Mediathéik:

Aktuelles / / Max Tholl
Lauschteren

Méi zum Thema

Armin Laschet
Däitschland

Zwou Landtagswale stinn an Däitschland um kommende Weekend un. No de rezente Skandaler an der CDU stinn déi Konservativ besonnesch am Fokus. Fir den neie Parteichef Armin Laschet kéinten déi Wale richtungsweisend ginn.

Armin Laschet
Däitschland

Den Armin Laschet ass zanter dem leschte Weekend neien CDU-Chef. Am Waljoer 2021 stelle sech eng Rei Froen: wéi wäert hie se beäntwerten? A kritt hie säi Stempel opgedréckt?

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Sot emol vun 10 bis 11

  • On air

    Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen