Corona-Zuelen Belsch: Alarmant Situatioun an Altersheemer
D'Belsch schléit am Bilan vun de Leit, déi no enger Infektioun mam Coronavirus stierwen, een traurege Rekord. D'Zuele sinn och dowéinst esou héich, well anescht gezielt gëtt, sou déi offiziell Erklärung. Wat stécht dohannert? Firwat ass d'Belsch besonnesch haart vu Covid-19 getraff? Dorop kucke mer mat eiser EU-Korrespondentin Danièle Weber.
De Statistike no ass a kengem Land op der Welt de Mortalitéitstaux, gemooss un der Zuel vun den Awunner, esou héich wéi an eisem Nopeschland. Bis elo sinn iwwer 7.500 Leit u Covid-19 gestuerwen, 53 Prozent dovun an engem Altersheem.
D'Zuele wieren och dowéinst esou héich, well an der Belsch méi "éierlech" an "transparent" gezielt géif, esou d'Erklärung vun offizieller Säit. Wat ass do drun? Gouf sech net genuch ëm déi al Leit bekëmmert?
Lauschtert d'Gespréich mam Danièle Weber
Et gëtt net iwwerall d'nämmlecht gezielt. Fir d'Situatioun richteg anzeschätzen, muss een op verschidde Krittäre kucken, seet dowéinst een Expert vum Europäeschen Zentrum fir Krankheets-Preventioun a Kontroll (ECDC).
Lauschtert de Bäitrag aus dem Moiespanorama
An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.
Méi zum Thema
Prognose fir d'Exitstrategie
Wéi vill méi Infektioune mam neie Coronavirus bréngen d'Ouverture vun de Chantieren, de Butteker oder Schoule mat sech? Ee Fuerschergrupp mécht Prognosen, wéi d'Corona-Epidemie sech kéint weiderentwéckelen. Nach wier d'Datelag net ideal.
