Uni Lëtzebuerg Bachelor an der Medezin geet 2020 an d'"Testphas"

D'Uni Lëtzebuerg hofft, datt an e puer Joer kann e Master an der Medezin kann ugebuede ginn, seet den Direkter vun der Medezinausbildung. Am September d'nächst Joer géif e Bachelor an der Medezin ulafen, esou de Gilbert Massard.

Rick Mertens / cbi

Gilbert Massard
De Gilbert Massard ass Direkter vun der Medezinausbildung

De Gilbert Massard seet, beim Opstelle vun dem neie Cours géif alles no Plang lafen. Esou e Cours wier wichteg, well 44 Prozent vun den Dokteren am Land méi wéi 55 Joer al sinn. "An op der anerer Säit hu mir eng Bevëlkerung, déi dauernd wiisst. An da besteet ëmmer e gewëssen Doute, wéi laang déi auslännesch Unien d'Lëtzebuerger Studenten nach huelen."

Dofir wier et besser, d'Dokteren zu Lëtzebuerg auszebilden an et kéint ee vläicht och verhënneren, datt eng ganz Rei Leit am Ausland bleiwen an net zeréck op Lëtzebuerg kommen, esou de Gilbert Massard.

Eng méi breet Offer

Während enger "Testphas" géife just 25 Studente fir dëse Cours zougelooss ginn. No zwee bis dräi Joer soll dann decidéiert ginn, ob d'Medezinausbildung eventuell fir méi Studenten an ob eventuell och e Master an der Medezin opgebaut gëtt, seet de Gilbert Massard:

"Well et ass am Fong déi Etapp, déi eis feelt. Vue datt dat neit Gesondheetsgesetz eis elo och dräi Sozialisatiounsfächer opmécht. Dat ass d'Médecine General, wat et schonn an der Praxis gëtt, an dann d'Neurologie, an d'Onkologie."

An der Mediathéik:

Invité:e vum Dag / / radio 100,7
Lauschteren

Méi zum Thema

Virstellung Space Master uni.lu
New-Space-Secteur

D'Uni Lëtzebuerg bitt vun dësem September un en neie Studiegang. De sougenannten interdisziplinäre Space-Master. Doduerch soll Lëtzebuerg sech europawäit am New-Space-Beräich un der Spëtzt positionéieren.

Stephane Pallage
Uni Lëtzebuerg

D'Administratioun vun der Uni Lëtzebuerg soll professionaliséiert ginn, seet hiren neie Rektor, de Stéphane Pallage. D'Uni misst méi transparent ginn an eng besser Kommunikatioun kréien.

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen