Pressehëllef Avant-projet läit um Dësch

D'Aarbechten un der Reform vun der staatlecher Pressehëllef sinn op der leschter Ligne droite. D'Zuel vu Journalisten gëtt den zentrale Krittär, et geet also net méi ëm d'Quantitéit Pabeier, dee bedréckt gëtt.

Maurice Molitor / cbi

Online Pressehëllef
Foto: Archiv

De Bäitrag vum Maurice Molitor

Fir Pressehëllef ze kréie komme just Redaktioune mat op d'mannst fënnef full time Journalisten a Fro. Journaliste mat Pressekaart, déi also vum Conseil de Presse unerkannt sinn. Ob si am Printberäich oder online schaffen, ass egal. Och ob et sech ëm eng Dages-, eng Wochen-, eng Gratis- oder soss eng Zeitung handelt.

Reklammen dierfen allerhéchstens 50 Prozent vum Contenu ausmaachen, am Online muss ee pro Dag op d'mannst zwee Artikele bréngen, déi just fir den Internet geschriwwe goufe (bei den Online-Optrëtter vun Zeitunge geet et also net duer, just Texter aus der Printversioun online ze setzen).

Sinn déi Konditiounen erfëllt, a geléngt et dem Medium doriwwer eraus, sech zu 50 Prozent selwer ze finanzéieren, dann - an nëmmen dann - ginn et 55.000 Euro d'Joer pro Journalist, zousätzlech zu engem Sockelbetrag vun 200.000 Euro d'Joer fir e Print- respektiv 20.000 Euro fir en Online-Medium.

Et ginn allerdéngs Plaffongen: am Ganze sollen am Joer net méi wéi 12 Milliounen Euro Pressehëllef ausbezuelt ginn, en eenzele Grupp kann net méi wéi 2,5 Milliounen Euro kréien, eng eenzel Zeitung oder Websäit net méi wéi 1,6 Milliounen Euro.

Méi zum Thema

Ines Kurschat
Pressehëllef

Der Regierung hiren Entworf fir d'Reform vun der Pressehëllef wier eng "intelligent" Léisung, seet d'Ines Kurschat, Presidentin vum Presserot. D'Editeure sollen ë. a. e Formatiounsplang op den Dësch leeën.

D'Medielandschaft zu Lëtzebuerg Exklusiv
Pressehëllef

Maximal 1,6 Milliounen Euro u Pressehëllef kann ee Medium an Zukunft vum Staat accordéiert kréien, wa bestëmmte Konditiounen erfëllt sinn. D'Editeure fuerderen ee méi präzisen Text.

Verschidde Presseoranger Exklusiv
Verschidde Sockelen

An Zukunft soll d'Zuel vun de Journalisten de Kritär fir d'Héicht vun der Pressehëllef sinn. Dat gesäit den Avant-Projet de loi vir, deen dem radio 100,7 virläit. Et soll awer kee manner kréien.

Net verpassen

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen