Tornadoen Tornadoen a schwéier Onwiederen am Süde vu Lëtzebuerg
Bei de schwéieren Onwiederen am Süde vum Land sinn am Ganze siwe Persoune blesséiert ginn, eng dovu méi schlëmm. Dat schreift de CGDIS an engem Communiqué um néng Auer de Freideg den Owend.
Am Raum Péiteng, Käerjeng an Ëmgéigend hu sech Tornadoe forméiert, déi fir massive Schued un Haiser an Autoe gesuergt hunn. Verschidde Stroosse si gespaart, plazeweis ass de Stroum ausgefall.
Déi lëtzebuergesch Rettungskräften an déi kommunal Autoritéite si momentan op der Plaz, genee wéi Personal vum Service Départemental d'Incendie et de Secours aus Frankräich. Déi concernéiert Acteuren evaluéiere momentan d'Situatioun an informéieren d'Press, soubal d'Situatioun méi kloer ass, heescht et am Communiqué weider.
No Concertatioun tëschent dem Premierminister Xavier Bettel, der Inneministesch Taina Bofferding an dem Haut-Commissariat à la Protection Nationale gouf d'Krisenzell aktivéiert, wéi dat am Fall vun esou schwéieren Onwiedere virgesinn ass.
Fir betraffe Persoune gouf eng Hotline ageriicht: 8002 8080
Méi zum Thema
Ee Joer no den Iwwerschwemmungen
Vill Wanderweeër an der Regioun waren zerstéiert an Haiser iwwerschwemmt ginn. Ee Joer méi spéit schéngt een iwwer de Bierg ze sinn, et gëtt awer nach vill ze dinn. E Reportage vum Stephan Polet.
D'Wiederkapriolen 2018
Tëschent Juni an August hu verschidde Wiederkonditioune fir Chaos a Schied am Land gesuergt. Nieft den Iwwerschwemmungen hat Lëtzebuerg och mat héijen Temperaturen ze kämpfen. E Réckbléck.
"Mir schaffen elo mol am Ralenti"
Zanter de staarken Iwwerschwemmungen am Juni dëst Joer huet de Wirtschaftsministère 20 Betriber indemniséiert, déi am Ganzen 1,4 Milliounen Euro ausbezuelt kruten. Ee vun dëse Betriber gehéiert dem Garagist José Sanchis.
"D'Saach huet sech a Grenze gehalen"
Duerch d'Hëtzt sinn d'Hospitalisatiounen an d'Visitten an den Urgencen eropgaangen. Dat seet de Chef vun der Inspection Sanitaire Pierre Weicherding. D'Spideeler mellen dem Gesondheetsministère, wa Leit wéinst Symptomer, déi mat der Hëtzt ze dinn hunn, behandelt ginn.
"Verschidde Situatioune sinn net ze geréieren"
D'Iwwerschwemmungen aus de leschte Wochen an Deeg hunn vill Schied u verschiddene Stroossen gemaach. Ponts et Chaussées hunn d'Analys vun der Situatioun gemaach a reparéieren. E Bilan!
Mesurë géint extrem Wiederevenementer
Och vill kleng Mesurë kënnen dozou féieren, datt manner Schued duerch extrem Wiederphenomer entsteet, esou d'Waasserverwaltung. D'Donnerwiedere vum 1. Juni waren immens schwéier virauszegesinn.
Wat maachen nom Schued?
An deene Regiounen, wou et d'lescht Woch Iwwerschwemmunge gouf, gëtt nach ëmmer opgeraumt. Déi betraffe Leit sollen sech elo bei hirer Assurance mellen, fir z'evaluéieren, wéi se kënne rembourséiert ginn.
Héichwaasser: 30 Milliounen Euro Direkthëllef
Wéinst dem ville Reen an der Nuecht vun Donneschdeg op e Freideg, virun allem am Mëllerdall, ass d'Krisen-Zell vum Haut Commissariat à la protection nationale aktivéiert ginn. Een Iwwerbléck, Hannergrondinformatiounen a Reaktiounen.
"Et war bei Wäitem nach kee schlëmmt Héichwaasser"
Déi aktuell Héichwaasser-Situatioun kéint statistesch gesinn all zwee Joer esou virkommen, seet d'Christine Bastian vum Waasserwirtschaftsamt. D'Situatioun wier deemno "guer näischt Aussergewéinleches".
