Waringo-Rapport 600.000 Euro Fraise bei der Post

Et gëtt eng Erklärung fir d'Telekommunikatiouns-Fraise vu bis zu 600.000 Euro d'Joer beim groussherzoglechen Haff. D'Käschte géife sech virun allem mam Besoin no enger besonnesch sécherer Kommunikatioun erklären, esou gëtt e Spriecher vun der Post de Moie bei Tageblatt online zitéiert.

Serge Kesseler / cbi

Palais
De groussherzoglechen Haff hat Fraise bei der Post vu 600.000 Euro. Foto: Archiv

De Bäitrag vum Serge Kesseler lauschteren


Op eis Nofro hin huet de Post Group preziséiert, datt d'Prestatioune vu Post Telecom fir d'Cour Grand-Ducale all mobil a fix Abonnementer vun der Cour géifen ëmfaassen, dorënner och déi vun den iwwer 100 Leit Personal. Zu de Prestatioune géifen och déi fix Internet-Accèse gehéieren, grad wéi d'Interconnectivitéit vun de verschiddene Sitten - notamment Colmer-Bierg, Fëschbech an de Palais - duerch professionell securiséiert Linnen.

Am Waringo-Rapport war recommandéiert ginn, datt d'Post-Direktioun doriwwer soll nodenken, ob si dem Haff d'Post-Servicer viru gratis wéilt zur Verfügung stellen. Op dësem Aspekt wëllt d'Post-Direktioun net reagéieren.

De Gesamtmontant vun den Telekommunikatiouns-Servicer géif tëschent 550.000 a 600.000 Euro pro Joer leien, steet am Waringo-Rapport. Baséiert gëtt sech op eng Evaluatioun vun der Post-Direktioun. Dobäi komme Gratis-Prestatioune fir d'Bréifpost vu bis zu 15.000 Euro pro Joer.

De Xavier Bettel hat vun enger "aler Praxis" geschwat. Mam Accord vum Grand-Duc Henri sollen dës Servicer an Zukunft als Fonctionnementskäschte consideréiert a budgetiséiert ginn, esou de Premier.

Méi zum Thema

Frank Wies Meenung
Fräie Mikro

D'Lëtzebuerger Monarchie steet an der Kritik. Um Enn weist de Rapport vum Jeannot Waringo, datt am Palais och just Mënsche sinn, mengt den Affekot a Mënscherechtsaktivist Frank Wies.

Xavier Bettel
Monarchie

Et wier am Interêt vu jiddwerengem - och vum Haff - datt Reegelen opgestallt ginn an datt sech dann och doru gehale gëtt, seet de Xavier Bettel. Hie wéilt der Monarchie nämlech net schueden, am Géigendeel.

Jeannot Waringo a Xavier Bettel bei der Presentatioun vum Waringo-Rapport
Waringo-Rapport

Ronn 90 Prozent vun de Recommandatioune vum Jeannot Waringo a sengem Rapport iwwer de groussherzoglechen Haff solle mam Accord vum Grand-Duc an nächster Zäit ëmgesat ginn, huet de Xavier Bettel ugekënnegt.

Michèle Sinner Kommentar
Chronik

De Waringo-Rapport hält kloer Mëssstänn um Haff fest. Domat geet fir de Premier Xavier Bettel a seng Regierung eng Méiglechkeet op, fir als Moderniséierer opzetrieden, mengt d'Michèle Sinner.

Paul-Henri Meyers
Waringo-Rapport

Et muss gehandelt ginn, an zwar direkt: fir de fréieren CSV-Deputéierten a Verfassungsspezialist Paul-Henri Meyers ass dat d'Conclusioun, déi aus dem Rapport iwwer d'Finanz- a Personalgestioun um Haff ze zéien ass.

Alex Bodry
Reaktioun op de Waringo-Rapport

De Waringo-Rapport ass eng "sachlech Grondlag fir ze handelen", seet den Alex Bodry. Elo léichen all d'Donnéeën um Dësch, an elo misst gehandelt ginn, sou de Member vum Staatsrot.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen