D'CSV-Fraktiounscheffin huet betount, hir Partei géif steierlech Entlaaschtungen direkt ëmsetzen, wa se um Rudder wier.
"D'Leit brauchen elo Entlaaschtung! An zwar bis an déi breet Mëttelschicht eran. Si sinn elo esou vill Joer duerch zousätzlech Steierbelaaschtunge vum Staat zur Kees gebiede ginn. An et ass extrem wichteg, datt se elo entlaascht ginn."
D'CSV ass zum Beispill dofir, datt d'Steiertabell direkt un d'Inflatioun ugepasst gëtt, an datt Leit, déi ganz vill verdéngen, méi Steiere misste bezuelen. Wéi vill Recetten de Staat doduerch kéint eranhuelen, konnt d'Martine Hansen awer net soen.
D'Martine Hansen betount, et wier méiglech esou eng Steierreform ëmzesetzen am d'Staatsschold gläichzäiteg ënner 30 Prozent vum PIB ze halen.
"Den Triple A ass fir eis extrem wichteg. Ech denken, datt déi zwou Saache matenee ginn."
