Landwirtschaft Fudderenkpäss: Am Wanter muss eventuell méi geschluecht ginn
An de Bauerebetriber riskéiert d'Fudder fir d'Béischten am Wanter knapp ze ginn. D'Audrey Feyder vun der Bauregenosseschaft Convis seet, verschidde Bauere missten elo scho Fudder fir hir Béischte bäikafen, well se duerch d'Dréchent manner eege Recolte hunn. D'Bauere misste sech dofir elo schonn d'Fro stellen, wat se am Wanter un hiert Véi verfidderen.
Et wier momentan och net einfach fir sech fir iwwerhaapt Fudder a gudder Qualitéit ze kréien, well et iwwerall an Europa dréche wier.
"Ech well net soen datt et onméiglech ass, mee et ass och ëmmer d'Fro fir wéi ee Präis."
Am schlëmmste Fall wier d'Fudder esou deier, datt d'Rechnung fir d'Baueren net méi opgeet. An deem Fall, missten d'Betriber dann en Deel vun hirem Véi schluechte fir de Bestand ze reduzéieren.
Dat wier awer just déi allerlescht Optioun sou d'Audrey Feyder "well et einfach d'Kapital vum Betrib duerstellt".
An der Mediathéik:
LauschterenMéi zum Thema
D'Dréchent mécht de Mëllechbaueren ze schafen
Elo scho misst hie sengen Déiere Fudder ginn, well d'Gras op de Wisen net duergeet, sou de Charel Wildgen, deen zu Fenneng 80 Mëllechkéi huet. Mee net all Betrib wier d'selwecht vun der Dréchent betraff.
Ukrain: Enn vun der Käre-Blockad
Déi éischte Kéier zënter dem Ufank vum russesche Krich an der Ukrain huet de Méindeg de Moien ee Schëff mat Kären den Hafe vun Odessa verlooss. Dem tierkesche Verteidegungsministère no wier d'Schëff a Richtung Libanon ënnerwee.
