Positiounswiessel Patronat: CGFP ass "e Problem"
De Patron vun de Patronen zitt Bilanz op sengem leschten Dag als President vun der Union des Entreprises Luxembourgeoises. Den Nicolas Buck gëtt den 1. Januar 2021 vum Michel Reckinger ofgeléist.
Den Decalage tëschent der Welt vun de politeschen an där vun den ekonomeschen Decideure géif d'Land virun eng grouss Erausfuerderung stellen, esou den Nicolas Buck.
Politik schwäetzt just eng Sprooch
Op sengem leschten Dag als President vun der Unioun vun den Entreprisen huet hien drop higewisen, datt sech Politik, Gewerkschaften a Patronatsverbänn exklusiv op Lëtzebuergesch mateneen ënnerhalen, wärend an der Privatwirtschaft ëmmer méi aner Sprooche geschwat ginn.
Datt d'Auslänner hei am Land Steiere bezuelen ouni e politescht Matsproocherecht ze hunn wier ee Problem, sot den Nicolas Buck. D'Léisung misst awer net onbedéngt d'Auslännerwalrecht sinn.
Kompetent Beamte géife verluer ginn
Hie bedauert och, datt grouss Deeler vun der Fonction publique de Lëtzebuerger virbehale bleiwen, well d'CGFP bis elo mat Succès géif blockéieren. D'Staatsbeamtegewerkschaft wier "e Problem", esou den UEL-President, dee mam neie Joer vum Michel Reckinger an där Funktioun ofgeléist gëtt.
An der Mediathéik:
LauschterenMéi zum Thema
Sozialpartner gi méi enk an d'Exit-Strategie agebonnen
D'Gewerkschaften an d'Patronat waren den Donneschdeg vun der Regierung an d'Schlass vu Senneng invitéiert ginn, fir a separate Gespréicher iwwer den ekonomeschen a sozialen Impakt vun der Corona-Kris ze schwätzen.
Patronat: "D'Finanzhëllefe vun der Regierung ginn net duer"
De President vun der Union des Entreprises fuerdert weider net remboursabel Direkthëllefe fir d'Betriber. Besonnesch d'Handwierk, de Commerce, d'Restauratioun an den Tourismussecteur bräichten elo nei Hëllefen, esou den Nicolas Buck.
