Europawahlen 2019 20 % vun de Wieler stëmme per Breifwahl

Bei den Europawahlen e Sonndeg stëmmt hei am Land bal all fënnefte Wieler per Bréifwahl of. Dat geet aus den offiziellen Zifferen ervir, déi de Staatsministère dem radio 100,7 op Nofro hi confirméiert.

Bréifwahl
Foto: Bigstock / AndreyPopov

Deemno hunn 53.712 Leit d'Bréifwahl ugefrot. Am Ganze si fir d'Europawahlen 283.683 Lëtzebuerger an EU-Auslänner op de Wielerlëschten agedroen.

Den Undeel vu Bréifwieler klëmmt deemno géintiwwer de Chamberwahle vun zejoert liicht, an zwar vu ronn 16 op bal 19 Prozent. Wéi vill vun de Bréifwieler hei am Land, respektiv am Ausland liewen, konnt de Staatsministère net präziséieren.

D'Enveloppe mam Wahlziedel muss un de Wahlbüro zeréckgeschéckt ginn, deen an der Lettre de convocation indiquéiert ass. De Bréif muss spéitstens um Wahlsonndeg agereecht ginn, éier d'Wahlbüroen um zwou Auer zoumaachen.

Méi zum Thema

Charles Goerens
Europawahlen 2019

Wann de Charles Goerens gewielt gëtt, dann hätt hien och wëlles säi Mandat bis zum leschten Dag auszeféieren. Fir de liberalen Europadeputéierte gëtt et déi néngt Europawahl, bei där hie kandidéiert.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Net verpassen

  • Riicht eraus: Wéi eng Press(ehëllef) fir Lëtzebuerg?

    Riicht eraus

    Am Joer 2020 eng Zeitung erauszebréngen ass net einfach. Déi geschriwwe Press ass wéinst dem Internet an neie Gewunnechte vun de Lieser a Lieserinne mat enger Baisse vun de Verkafszuele a vum Ëmsaz konfrontéiert.

Banner Programm
Newsletter

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen