Mat Catfish ronderëm de Bandgrënner Bob Hodge kënnt an dëser Al Schanken-Stonn eng sécherlech net esou bekannte Band an den Asaz. Catfish stoung manner an der alleréischter Rei, wat de Bekanntheetsgrad betrëfft, si waren éischter “local heroes“ am US-Bundesstat Michigan. D‘Band huet et trotzdeem och bis an de renomméierten New Yorker Filmore East gepakt.
Rock vollgepaakt mat enger décker Portioun Energie an engem Schotz Blues war d’Uleies vun der Formatioun, woubäi de Bob Hodge a seng Matmuseker live besonnesch gutt eriwwerkoumen. Hiren Album “Catfish live“ ass am Oktober 1970 doheem zu Detroit opgeholl ginn. Den Hodge, Joergang 1945, huet iwwer 20 Albume mat verschiddene Formatiounen opgeholl, hie steet haut nach geleeëntlech mat engem Blues-Repertoire op der Bün.
Déi zwee Tracks vun L.A. Guns an Al Kooper op der Playlist si signéiert Donovan Leitch. Dee schottesche Singer/Songwriter trëtt de 26. Mäerz 2025 am Atelier op.
Playlist:
1. The Rolling Stones - Start Me Up (live) (Shine A Light, 2008)
2. Derek and the Dominoes - Layla (Layla And Other Associated Love Songs, 1970)
3. Neil Young - She’s A Healer (Are You Passionate, 2002)
4. Catfish - Nowhere To Run (live) (Catfish live, 1971)
5. Catfish - Mississippi River (live) (Catfish live, 1971)
6. Al Kooper - Season Of The Witch (Super Session, 1968)
7. L.A. Guns - Hurdy Gurdy Man (Rips The Covers Off, 2004)
8. David Crosby - Long Time Gone (live) (It’s All Coming Back To Me Now, 1995)
9. David Crosby - Till It Shines On You (live) (It’s All Coming Back To Me Now, 1995)