arrow_back_ios
Kultur
Ravel + am CAPE
headphones
9 min
Lauschteren
play_arrow
De Pianosfestival vum CAPE setzt all Joer Komponist:innen an de Mëttelpunkt. Dëst Joer gëtt dem Maurice Ravel säin 150. Gebuertsdag gefeiert. Wärend véier Owender gi vum 30. Januar bis den 2. Februar Stécker vum franséische Komponist vun 8 Pianist:innen opgefouert. Am Kader vum Pianosfestival Ravel + spillt d'Cathy Krier dëse Samschden, 1. Februar e Programm mat a ronderëm D'Musek vum Ravel. De franséische Komponist huet eng besonnesch Bedeitung fir d'Pianistin. Op hirem leschten Album hat si scho Gaspard de la nuit interpretéiert. Si erzielt ënner anerem iwwer de roude Fuedem vum Programm a wat si un der Musek vum Ravel esou begeeschtert. Dat besonnescht ass, datt de Pianosfestival Ravel + sech net nëmmen em de Maurice Ravel a seng Kompositiounen dréint, verréit d'Ana Maria Tzekov, artistesch Direktesch vum CAPE.
Episoden
Op der Sich no de musikalesche Wuerzelen
Flamenco, Jazz, Folk - all dës Aflëss fënnt een an der Musek vum Duo Triana y Luca, déi dëse Mount eng nei Single mam Titel "Raíz" virgestallt hunn.
Le Banquier anarchiste
Am Escher Theater gëtt eng Adaptatioun vum Fernando Pessoa senger Novell gewisen.
Musikalescht Kenneléieren
De Reset Jazz Festival bitt Museker:innen aus verschiddene Länner d'Geleeënheet, sech am Kader vun der Abbaye de Neumünster ze begéinen.
Filmfestival Max Ophüls Preis
De Filmfestival Max Ophüls Preis zu Saarbrécken gëllt als de wichtegsten Nowuess-Filmfestival am däitschsproochege Raum.
Live Vinyl-Opnam vu Bartleby Delicate mat Release-Concert
D'Opnam vun engem Owend am Februar 2022 an der Philharmonie, dee Bartleby Delicate and Friends iwwerschriwwe war, als Vinyl an engem Release-Concert an de Rotonden
"Literaturwiesen zu Lëtzebuerg ass en Trümmerhaufen"
, seet den Editeur, Literaturwëssenschaftler a Schrëftsteller Ian De Toffoli op den Assise vum Buch.
Vun der zweeter Stëmm an déi éischt Rei
Eng eemoleg Stëmm an e schwierege Charakter: mam David Crosby stierft eng vun de grousse Figure vun der amerikanescher Rock- a Folkmusek.
