Wëssenswäert
Planzen duerchginn eng Pubertéit
4 min
Biologen hunn entdeckt, datt Dausende vu Genen dann amplifiéiert oder reduzéiert ginn. Doduercher koordinéieren d'Planzen d'Entwécklung vun hire reproduktiven Organer a vernoléissegen de Wuesstem vun hire Blieder.
Dës Erkenntnis kéint an Zukunft Baueren zegutt kommen, de perfekten Zäitpunkt fir d’Recolte ze fannen.
Net nëmme Mënschen, mee Planze ginn also duerch d'Pubertéit. A genee wéi bei de Mënsche wuessen d’Planzen an dëser Liewensetapp. A se wuessen net méi, mee se ginn och sexuell räif a ginn an hir reproduktiv Phas iwwer.
Dobäi reduzéiere se de Wuesstem vun hire Blieder, an déi iwwerschësseg Energie geet an d’Entwécklung vun hire Fortplanzungsorganer wéi zum Beispill Bléieknospen. Am Géigesaz zu Mënschen dauert d’Pubertéit bei de Planze keng Joren, mee dacks just zwee, dräi Deeg.
Dat ass genee deen Iwwergang, dee fir d’Landwirtschaft wichteg ass.