Sample vun der Woch

John Coltrane - My Favorite Things

22 Mäe. 2025 - 12h45

Dee groussen Jazzmuseker huet eng bedeitend Roll an der Entwécklung vum Bebop, Hard Bop a Free Jazz gespillt. Seng Samples si ganz beléift beim Andre 3000.

Jacques Loussier - Pulsion

15 Mäe. 2025 - 12h45

Dee renomméierte franséische Pianist a Komponist huet klassesch Musek an Jazz fusionéiert fir en eenzegaartege Mix ze kreéieren. Säi Sample huet zu engem Hit vum Eminem bäigedroen.

Jack Wilkins - Red Clay

08 Mäe. 2025 - 12h45

Den Jack Wilkins ass en amerikaneschen Jazz-Gittarist, dee fir eng aussergewéinlech Technik bekannt ass. Hien huet eng laang a produktiv Karriär a gouf ënner anerem vun A Tribe Called Quest gesampelt.

Idris Muhammad - Crab Apple

01 Mäe. 2025 - 12h45

Deen amerikanesche Jazz- a Funk-Batteur ass besonnesch bekannt fir seng innovativ Spillweis a gouf vum Notorious BIG gesampelt.

Herb Alpert - Rise

22 Feb. 2025 - 12h45

Deen amerikaneschen Trompettist, Komponist a Museksproduzent huet mam Jerry Moss d'Plackefirma A&M Records gegrënnt. Seng Musek huet dozou bäigedroen ee vun de gréissten Hits am Rap ze produzéieren.

Gwen McCrae - 90% Of Me Is You

15 Feb. 2025 - 12h45

Eng amerikanesch Soul- a Funk-Sängerin, déi besonnesch an den 1970er Jore groussen Erfolleg hat. Hir kräfteg Stëmm an hir leidenschaftlech Interpretatiounen hu si bei Hiphop-Produzente ganz beléift gemaach.

Grant Green - Down Here on the Ground

08 Feb. 2025 - 12h45

Deen amerikanesche Jazz-Gittarist ass besonnesch fir seng Aarbecht am Hard Bop, Soul Jazz a Bebop bekannt. Seng Fusioun vun den Elementer hunn hien zu enger beléifter Sample-Quell gemaach.

Grace Jones - My Jamaican Guy

01 Feb. 2025 - 12h45

Déi jamaikanesch-amerikanesch Sängerin, Schauspillerin, Model a Performance-Kënschtlerin ass bekannt fir hir eenzegaarteg Stëmm, extravagant Bünenoptrëtter an hir faszinéierend Perséinlechkeet.

Gladys Knight and The Pips - The Way We Were/Try to Remember

25 Jan. 2025 - 12h45

Gladys Knight and The Pips ass eng amerikanesch Soul- a R&B-Grupp, déi besonnesch an den 1960er an 1970er Jore groussen Erfolleg hat. Dës Motown-Band gouf erfollegräich am Nonzeger-Joren-Hiphop gesampelt.

Gene Chandler - Duke Of Earl

18 Jan. 2025 - 12h45

Deen amerikanesche Sänger, Songwriter a Museksproduzent ass am meeschte bekannt fir säi Lidd "Duke of Earl" . Säi Lidd leet de Grondstee fir der Cypress Hill hiren Hit "Hand on the Pumpgun".

Galt MacDermot - Space

11 Jan. 2025 - 12h45

E kanadesch-amerikanesche Komponist, Pianist a Museker, besonnesch bekannt fir seng Aarbecht am Musical "Hair", mee hien huet gläichzäiteg zu engem vun de gréissten Hits vum Busta Rhymes bäigedroen.

Fred Wesley and The J.B.'s - Blow Your Head

04 Jan. 2025 - 12h45

Eng legendär Funkband, déi an den 1970er gegrënnt gouf. Si waren en Deel vun der grousser James-Brown-Musekfamill a goufen dacks am Hip-hop gesampelt.

28 Dez. 2024 - 12h45

Donny Hathaway - Jealous Guy

21 Dez. 2024 - 12h45

Den Donny Hathaway war en amerikanesche Soul-Sänger, Pianist, Komponist a Produzent, dee seng Lidder passionéiert interpretéiert huet. Seng Samples hunn et bis an de Laptop vum Kanye West gepackt.

Dizzy Gillespie - Matrix

14 Dez. 2024 - 12h45

Den Dizzy Gillespie war en amerikanesche Jazz-Trompettist, Bandleader, Komponist a Sänger. Hien ass bekannt als ee vun de Pionéier vum Bebop a war ganz beléift bei verschiddenen Hiphop-Produzenten.

Cymande - The Message

07 Dez. 2024 - 12h45

Eng brittesch Funk- a Soulband, bekannt fir hir eenzegaarteg Mëschung aus Funk, Soul, Reggae, Jazz an afrikanescher Musek. Hir Musek gouf dacks gesampelt, dat bekanntst Beispill kënnt vun engem Rapper vu Paräis.

Chic - Soup For One

30 Nov. 2024 - 12h45

Chic ass eng amerikanesch Disco- a Funk-Band mat groussen Afloss op d'Musekszeen vun de spéiden 1970er a fréien 1980er Joren. Hir Musek gouf dacks gesampelt, an huet et bis an déi franséisch House-Zeen gepackt.

Camille Yarbrough - Take Yo' Praise

23 Nov. 2024 - 12h45

D‘Camille Yarbrough ass eng amerikanesch Sängerin, Schrëftstellerin, Schauspillerin a Biergerrechtsaktivistin. Hiren Afloss ass duerch de Sampling nach hautdesdaags ze spieren.

Brian Bennett - Solstice

16 Nov. 2024 - 12h45

De Brian Bennett ass en englesche Batteur, Pianist, Komponist a Produzent. Nieft senger Roll an de Shadows war hien e ganz produktive Kënschtler, dee ganz beléift bei alle Beatmaker ass.

Bobby Womack - How Could You Break My Heart

09 Nov. 2024 - 12h45

Deen amerikanesche Sänger, Songwriter, a Gittarist ass bekannt fir seng Bäiträg zu Soul, R&B, a Gospelmusek. Seng Samples si besonnesch beléift am Hiphop an R'n'B.