Wat d’Verbraucherpräisser ugeet, bleift Lëtzebuerg dat drëttdeierst Land an der Europäescher Unioun a bei de Liewensmëttelpräisser ass de Grand-Duché souguer den EU-Spëtzereider. Dat thematiséiert haut d’Tageblatt.
“Méi éierlech Argumenter amplaz indignéiert Reflexer”, dat fuerdert d’Ines Kurschat am Leitartikel am Lëtzebuerger Wort. D’Chefredactrice schreift, “mir liewen an enger Zäit, an där Opmierksamkeet alles ass an Inhalter näischt”.
Et soll een net erwaarden, datt Haiser vum Himmel falen: dat seet de Logementsminister Claude Meisch an engem ausféierlechen Interview mam Online-Magasinn Reporter.
“Osteopathie in Luxemburg: Gefragt, aber umstritten”, esou hunn d’Laura Tomassini an de Lex Klesen hiren Artikel beim Lëtzebuerger Journal iwwerschriwwen. Osteopathesch Behandlunge géifen hei am Land boomen, mee de Beruff wier rechtlech kaum gereegelt, an d’Käschte géifen d’Patienten a Patientinne meeschtens selwer droen, heescht.