D’Kommissiounscheffin Ursula von der Leyen huet méiglecherweis dem Drock vun hirem Heemechtsland Däitschland noginn a mécht ee Rückzieher a Saache Verbrenner-Aus. Scho vrun dräi Joer war an der EU decidéiert ginn, datt vun 2035 u keng Autoe mat Verbrenner-Moteur méi dierfe verkaf ginn. Déi lescht Woch awer hunn däitsch Medie gemellt, datt Bréissel ee Pak vu Mesurë proposéiere wäert, dorënner eeben déi, datt dee Verbuet soll - op d’mannst deelweis - gekippt ginn.
Wat soen déi aner Länner? Wat seet d’Europaparlament? A virun allem: Wat ass vun der Propos vun der Kommissioun ze erwaarden? Explikatioune vun eiser EU-Korrespondentin Danièle Weber
