D'ASBL Open Screen gouf viru méi wéi 10 Joer gegrënnt fir d'Promotioun vun der Inklusioun an der Diversitéit duerch kulturell Aarbecht. Ee vun de Projeten, deen d'Claudine Muno realiséiert huet, ass d'Buch "Roff". Eng Rees duerch d'Geschicht vu Péiteng, duerch déi eis de Boy a seng Mémé begleeden an eis erziele vun de Zwangsaarbechter:innen wärend dem Zweete Weltkrich, Mënschen, déi zu Péiteng probéieren en neit Doheem ze fannen, Leit, déi hiert Liewen, hiert Been, hir Liewensfreed verluer hunn. Dotëschent awer ëmmer och eng Liewensloscht, Iwwerleeungen iwwer d'Liewen, Anekdoten, déi op Fakten an op Fiktioun stoussen. Eng déifgrënneg Recherche verbonne mat literareschem Kënnen, e Buch voller Liichtegkeet an Humor, voller Trauer an Drama. Dotëschent Skizzen, Fotoen, Kollagen, déi d'Claudine Muno realiséiert huet. De polnesche Komponist an Cellist Michal Pepol huet sech vu Péiteng inspiréiere gelooss an am Buch ass e QR-Code, mat deem een Zougang zu de Kompositioune vum Museker huet, déi zu "Roff" passen.
arrow_back_ios
Kultur
Claudine Muno mat "ROFF"
headphones
24 min
Lauschteren
play_arrow
mic_none
Presentéiert vum
- Valerija Berdi
Episoden
Een Abléck an d'Iddie vum Internationale Klarinette-Concours
De Max Mausen ass dëst Joer den Directeur artistique vum internationale Klarinette-Concours 2025 zu Maarnech. Hëllef kritt hien ënner anerem vun der Jurypresidentin Laura Ruiz Ferreres.
Shortlëscht vum Prix Servais: “Doswidanja Genosse" vun der Margret Steckel
Op der Shortlëscht vum Prix Servais fënnt ee mam Tomas Bjornstad, der Margret Steckel, dem Guy Rewenig, der Anne-Marie Reuter an der Carla Lucarelli vill al Bekannter a relativ wéineg Iwwerraschungen.
Bert Theis: pour une philosophie collagiste
Eng nei Perspektiv op dem Bert Theis säi kënschtlerescht Ierwen
Den Cello am 21. Joerhonnert
Dee belsch-amerikaneschen Cellist Pierre Fontenelle spillt eng Stonn Musek fir Solo Cello vu 6 verschiddene Komponisten an der Kierch vu Biekerech.
Ee Lëtzebuerger Bouwechouer op Japan Tournée
D’Pueri Cantores aus dem Stater Conservatoire gi vum 8. bis 17. Abrëll op Tournée a Japan. Véier Statioune stinn um Plang: Hiroshima, Osaka, Kyoto an Tokio.
"Déi nei Generatioun am Iran huet ee méi direkt Bild vun der Realitéit wéi hir Elteren"
Interview mam iranesche Cineast Mohammad Rasoulof iwwer säin neie Film "The Seed of the Sacred Fig".
De Yann Gengler geet Solo - Sunny Gloom Debut Single
De Museker Yann Gengler ass Deel vun der beléifter Indie-Band TUYS, mécht Videoe fir seng an aner Gruppen a start dëst Joer säi méi réie Soloprojet, Sunny Gloom. Ee Live-Gespréich iwwer Toun, Bild an Hitt.
Um Radar - ënner der Woch
Den Nicolas Calmes aktivéiert säi Radar a verréit Iech, wat fir eng kulturell Highlighten Dir ënner der Woch net sollt verpassen.
Opéra'tion Séduction
Déi jonk lëtzebuergesch-italieenesch Dirigentin Camilla Rossetti iwwerhëlt d'Leedung vum OCL an engem Owend gefëllt mat Operenarien.
Max-Dauphin-Expo fir d'Erënnerung un de Kënschtler lieweg ze halen
D'Catherine Dauphin-Decker op der Sich no Konschtwierker vum Max Dauphin
Tortoise: For Mango and Teal
D'Catherine Kontz huet eng nei Kompositioun geschriwwe fir den Internationale Klarinetteconcours am Kader vum Klenge Maarnecher Festival den 11. Abrëll 2025. Am Fokus stinn der Komponistin hir zwou Schildkröten.
Teaser: Hommage un de Pierre Joris
En Hommage un den Nomad vun der Literatur – un de Lëtzebuerger Schrëftsteller Pierre Joris, deen de 27. Februar ze New York gestuerwen ass.
Kristine Bilkau: Halbinsel
D'Gewënnerbuch vum Präis vun der Leipziger Buchmesse
The Spy
Dës Serie erzielt d'Geschicht vum Mossad-Spioun Eli Cohen, gespillt vum Sacha Baron Cohen.
La mort viendra ...
E Gespréich mam däitsche Filmregisseur Christoph Hochhäusler
Buchkritik: Antoine Pohu - "Après nos désirs" (Capybarabooks)
A sengem neie Roman beschreift den Antoine Pohu dat komplizéiert Gefillsliewe vun engem Bréisseler Student.
Zéngten Editioun vum European Month of Photography zu Lëtzebuerg
All zwee Joer kënnt ... den EMOP a start fir seng 10. Editioun mat engem Michel-Medinger-Hommage.
"Jo, ech sinn e Rebell"
De Salzburger Christoph Ehrenfellner ass net nëmmen Dirigent, mee och nach Komponist. Selwer beschreift hie sech als Non-Konformist.
D'Dorothea Tatalidis beim EUYO fir d'Saison 2025
Déi jonk griichesch-lëtzebuergesch Trompettistin huet hire Solodebut bei der Militärmusek gemaach. Elo gouf si beim European Union Youth Orchestra fir d’Saison 2025 ugeholl.
