Dem Verdi seng Doudemass huet, zu senger Zäit, ville keng Rou gelooss: Dierf esou ee Wierk theatralesch a politesch motivéiert sinn? Misst et net éischter de Fridden an de Glawen un d’Éiwegkeet representéieren?
Den Erfolleg awer huet dem Verdi Recht ginn. D’Wierk, dat zu Éiere vum italieeneschen Nationaldichter Manzoni geschriwwe gouf, eruewert no senger Uropféierung 1874 séier de Publikum. Seng “Kierchemusek ouni Kierch” huet begeeschtert.
Mir iwwerdroen de Concert vum Däitsche Sinfonieorchester a vum Rundfunkchor Berlin ënner der Leedung vun der finnescher Dirigentin Eva Ollikainen. Mat um Programm steet och eng Uropféierung vun engem Chouerwierk vun der jonker islännescher Komponistin Anna Thorvaldsdóttir.
Programm:
Anna Thorvaldisdóttir (*1977): Heyr pú oss himnum á (2005)
Giuseppe Verdi (1813-1901): Messa di Requiem
Interpreten
Krassimira Stoyanova, Sopran
Yaje Zheng, Mezzosopran
Gregory Kunde, Tenor
Kosta Smorigina, Bassbariton
Rundfunkchor Berlin
Deutsches Sinfonie Orchester
Eva Ollikainen, Direktioun
Dëse Concert, presentéiert vum Joachim Fontaine, kënnt Dir bis de 9. Juli 2025 an der opus-Mediathéik lauschteren.
