arrow_back_ios
Invité:e vum Dag
Invité vum Dag
D’lescht Woch hunn d’Gewerkschaften an d’Bankenassociatioun ABBL eng Konventioun iwwer Mobbing am Bankesekteur ënnerschriwwen. An Zukunft kënne Bankemployéen, déi sech gemobbt fillen, sech anonym un d’”Association pour la santé au travail du Secteur financier” (ASTF) wenden, wou se gratis berode ginn. Am Interview begréisse mer de Soziolog Patrice Marchal, deen als psycho-soziale Beroder bei der ASTF schafft. Am Interview geet net nëmme Rieds iwwer Mobbing, mee och iwwer aner Forme vu Gewalt, deenen d’Salariéën an engem méi wéi onsécheren Emfeld ausgesat kënne sinn.(Rediff. um 13.30)
Episoden
Tom Theobald
De Brexit ass fënnef Joer al. Huet déi Lëtzebuerger Finanzplaz dovu profitéiert? Dat freet d'Christiane Kleer de Generaldirekter vun der Promotiounsagence Luxembourg for Finance.
Steve Heiliger
Mat wéi enge Fuerderungen ass d'CGFP an d'Verhandlunge fir den neien Accord salarial gaangen, a firwat krut si sech net méi duerchgesat? Dat freet d'Christiane Kleer de Generalsekretär vun der Staatsbeamtegewerkschaft.
Stéphanie Zimmer
Wéi kann eng nohalteg Liewensmëttelproduktioun ausgesinn, déi all d'Acteuren un een Dësch bréngt? Déi Fro stellt d'Institut fir biologesch Landwirtschaft IBLA a lancéiert een entspriechende Projet. Froen un hir Direktesch.
Marc Wengler
Mam Generaldirekter vun der CFL schwätzt d'Christiane Kleer iwwer déi grouss Projeten, déi d'Eisebunnsgesellschaft sech virgeholl huet, an iwwer d'Ambitioun, den Erwaardunge vum Client gerecht ze ginn.
Frank Wies
Fiert d'CSV-DP-Koalitioun a Saachen d'Asylpolitik eng méi haart Linn wéi déi viregt Regierung? Dat freet d'Christiane Kleer de spezialiséierten Affekot a Member vum Flüchtlingsrot.
Martine Solovieff
D'Procureure générale d'État geet den 1. Februar a Pensioun. Am 100,7-Interview schwätzt si iwwer Personal- a Plazmanktem, laang Delaien, Retarde bei der Digitalisatioun an aner Suerge vun der Justiz.
Marianne Donven
Aus Protest géint d'Flüchtlingspolitik vun der Regierung, huet d'Marianne Donven, déi sech zënter ville Jore mat Initiative wéi der ASBL en oppent Haus oder de Chiche-Restaurante fir Flüchtlingen asetzt, beim Staat gekënnegt.
Marc Angel
Den LSAP-Europadeputéierte reagéiert op d'Untrëttsried vum Donald Trump a kommentéiert déi juristesch Ausenanersetzung iwwer déi europäesch Mindestloundirektiv.
Gusty Graas
Den DP-Deputéierten a President vun der aussepolitescher Chamberkommissioun kommentéiert d'Untrëttsried vum Donald Trump an d'Wafferou am Noen Osten.
Alex Bodry
Den Ex-Minister an -Deputéierten an aktuelle Member vum Staatsrot iwwer säi Buch "“Le Luxembourg, son régime politique et ses institutions”
Magali Paulus
25 Organisatiounen aus der Zivilgesellschaft hunn sech an enger neier Plattform zesumme gedoen. Wat wëllen se domat areechen?
Michèle Bressanutti
Zu Lëtzebuerg gi méi dacks Kanner an Heemer placéiert, wéi an aneren europäesche Länner. Firwat ass dat esou? mir froen d'Direktesch vum Service national de l'enfance.
Patrick Dury
De Premier huet d'Gewerkschaften op eng "Sozialronn" invitéiert. Geet dat duer fir d'Gemidder ze berouegen? Mir froen den LCGB-President.
Martine Deprez
Kënnt eng Pensiounsreform? Mir froen d'Sozialministesch, ob si sech scho festgeluecht huet.
Marc Hans
Mir froen den neien Direkter vun der Waasserverwaltung, wéi gutt Lëtzebuerg géint Héichwaasser geschützt ass.
Zeenewiessel: Deen neien 100,7-Doku-Podcast
Entdeckt eisen neien 100,7-Doku-Podcast, bei deem Dir mat an d'Recherchen andauche kënnt, fir Iech e Bild ze maache vun deem, wat zu Lëtzebuerg leeft an eis all eppes ugeet.
Steve Thull
De Chef vum Etat-major vun der Lëtzebuerger Arméi iwwer d'Noutwennegkeet vu Resilienz an onsécheren Zäiten.
Isabelle Schlesser
Wéi ass d'Situatioun um Aarbechtsmaart a wéi wäert se sech am Laf vun 2025 weider entwéckelen? Dat erkläert d'Directrice vun der ADEM am Gespréich mam Maurice Molitor.
Erny Gillen
Dee fréiere Caritas-President schafft haut als eethesche Beroder. Mir froen hien, wéi een Impakt seng Berodung huet, a wéi hien d'Caritas-Affär erlieft huet.
