Aktuelles
Eng Petitioun géint Certificats de Virginité zu Lëtzebuerg
4 min
Sougenannt Certificats de Virginité sollen hei zu Lëtzebuerg verbuede ginn. Dat fuerdert eng Petitioun, déi elo de Seuil vun 4.500 Ënnerschrëften iwwerschratt huet. Wärend a Frankräich een Dokter, dee bescheinegt, ob eng Fra Jongfra ass oder net, bis zu 30.000 Euro Strof an zwee Joer Prisong riskéiert, gëtt et zu Lëtzebuerg nach keen explizitt Gesetz dozou.
Eng vun den zwou Petitionärinnen ass d'Enji Ismaili. Si schafft als Assistante Sociale am Sepas vum Lycée Belval an huet d'Erfarung gemaach, datt et d'Mammen sinn, déi esou ee Onscholds-Zertifikat froen. Dobäi ass d'Virginitéit medezinesch net noweisbar. De Problem géif hei kloer am Mangel un Opklärungsarbecht leien, esou d'Petitionärin.
Där Meenung ass och de Planning Familial, deen dës Petitioun ënnerstëtzt. D'Presidentin Ainhoa Achutegui erkläert, datt de Planning Familial all Demande fir esou een Onscholds-Zertifikat systematesch ofleent.
D'Sophie Schroeder mat weideren Detailer
Episoden
Groussbritannien steet no 14 Joer virun engem Muechtwiessel
D’Labour-Partei huet d’Parlamentswal mat enger confortabeler absoluter Majoritéit gewonnen
Ried zur Lag vun der Natioun: Wéi solle Mesurë finanzéiert ginn?
Wou sinn d'Léisunge fir d'Aarmutsbekämpfung? Dat sinn d’Froen déi d’Oppositiounsparteie sech gëschter no der Ried vum Premier Luc Frieden zur Lag vun der Natioun gestallt hunn.
D'Commemoratioune fir den 80. Anniversaire vun de Landungen an der Normandie
Déi brittesch Veteranen erënnere sech.
Prozess-Optakt zu Halle: Den AFD-Chef an Thüringen, de Björn Höcke, steet viru Geriicht
Hien kritt ënner anerem virgehäit, NS-Vocabulaire benotzt ze hunn
