Klassik Live
D'Tréine vun der Natur
"Dëst Stéck ass net just als Admiratioun fir e kultivéierten Artist geschriwwen, mee als Duett tëschent eis", sot de Komponist Tan Dun 2012 virun der éischter Opféierung an den USA vu sengem Wierk "The Tears of Nature". Gemengt war de Perkussionist Martin Grubinger, deen d'Wierk zesumme mam Los Angeles Philharmonic Orchestra opgeféiert huet. Elo interpretéiert de Solist dëst Wierk zesumme mam Philharmoneschen Orchester Lëtzebuerg (OPL) ënner der Direktioun vu sengem Chefdirigent Gustavo Gimeno.
Et wier eng faarweg Kompositioun, déi perfekt bei eng blénkeg Saisonsouverture passt, steet am Programm vun der Philharmonie ze liesen. Dës Ausso bezitt sech souwuel op dem Tan Dun säi Wierk, wéi och op dat zweet Stéck op der Affiche: Dem Richard Strauss säin "Heldenleben". Nom Wierk fir Perkussioun an Orchester geet et mat dëser Kompositioun genee esou klanggewalteg weider: ënner anerem aacht Coren, fënnef Trompetten, dräi Posaunen a véierfach besaten Holzbléiser verlaangt de Richard Strauss niewent de Sträicher. Mat all dësen Instrumenter verzielt den OPL d'Geschicht vum Protagonist, dem "Held" a sengem "Widersacher". Ëmmer erëm gëtt spekuléiert, de Strauss hätt sech an dësem Wierk selwer als Held duergestallt, wärend d'"Widersacher" - eventuell dem Strauss seng Kritiker - atonal quiitschen.
Programm:
Tan Dun: Concerto fir Perkussioun: The Tears of Nature
Richard Strauss: Ein Heldenleben
Martin Grubinger, Perkussioun
Philharmoneschen Orchester Lëtzebuerg
Gustavo Gimeno, Direktioun
Episoden
Concert LIVE
De Benjamin Kruithof an d'Lëtzebuerger Philharmoniker
Eng Vakanz op Roum mat de Lëtzebuerger Philharmoniker
Ënner dem Motto “A Roman Holiday” spillen d’Lëtzebuerger Philharmoniker Deeler aus der réimescher Trilogie vum Ottorino Respighi, esou wéi d’Weltpremière vun “out of the blue” vum Lëtzebuerger Komponist Claude Lenners
"Schumannliebe"
Live-Concert aus der Congresshalle zu Saarbrécken, mat Musek vum Robert Schumann a Jörg Widmann
Geniestreiche
Déi 7. Matinée vun der Deutschen Radio Philharmonie live um radio 100,7 an opus 100,7. Um Programm: Musek vum Richard Strauss
Live aus der Congresshalle vu Saarbrécken: Iergendwou am Himmel ...
D’Deutsche Radio Philharmonie spillt fir den 100. Gebuertsdag vun hirem Éierendirigent Stanislaw Skrowczewski. Um Programm steet Bartók a Bruckner.
Of Ancient Skies and Souls
Live aus der Philharmonie: D'Lëtzebuerger Philharmoniker spille bei de rainy days e Programm ronderëm de Festival-Theema "Memories"
Mein Vaterland
Den opus 100,7 an de radio 100,7 iwwerdroe mam SR2 KulturRadio live vu St. Ingbert déi siwent Matinée vun der Deutschen Radio Philharmonie ënner der Direktioun vum Pietari Inkinen
Musikalesch Erzielkonscht
De Philharmoneschen Orchester Lëtzebuerg interpretéiert Wierker vu Ravel, Rimsky-Korsakow a Strauss.
Fragments
Live-Iwwerdroung vun der Finall vun der Michel Becquet International Trombone Competition am Cube zu Maarnech
Hundertprozent Sibelius
Live Iwwerdroung zesumme mam SR 2 KulturRadio vum Concert vun der Deutschen Radio Philharmonie Saarbrücken Kaiserslautern zesumme mam Geiist Sergey Khachatryan
Spanish Connection
Concert mam Gustavo Gimeno, dem Pianist Javier Perianes an dem Philharmoneschen Orchester Lëtzebuerg
Time Reflexions
Concert mam Philharmoneschen Orchester Lëtzebuerg
L'Enfance du Christ
Live-Concert aus der Philharmonie
Siwe Paarten
Concert mat der Weltpremière vu "Seven Gates" vum Luc Grethen an der Cellistin Hayoung Choi
D'Tréine vun der Natur
De Martin Grubinger interpretéiert dem Tan Dun säi Concerto bei der Saisonsouverture vum OPL an der Philharmonie a live um radio 100,7.
ICMA-Gala 2022
Lauschtert de Gala-Concert vun den International Classical Music Awards 2022 live aus der Philharmonie.
Den OPL an d'Pianistin Beatrice Rana
Concert live aus der Philharmonie
