Salut Kanner, éier mer am Kannereck vun haut bei d'Experiment vu Science.lu kommen, kann een nach emol u gëschter erënneren.
Gëschter, um 20. Mee, war nämlech de Weltbeiendag, en Dag, deen Vereenten Natiounen agesat hunn, fir ganz besonnesch op d'Wichtegkeet vun de Beie fir eis Liewen hin ze weisen. De Weltbeiendag gëtt et eréischt zanter 2018, also war gëschter eréischt dee fënneften Weltbeiendag.
Et ass bestëmmt net vu Muttwëll ze soen, datt et ouni Beie kee Liewe gëtt. Déi aussergewéinlech Leeschtunge vun de Beie suerge fir d'Iessen an d'Gesondheet vun eis Mënschen. Et gëtt wuel keen Déier, dat d'Entwécklung vum Mënsch esou laang scho begleet, wéi d'Bei. Dofir wann der Beie gesitt, loosst se roueg, well se maachen ganz, ganz vill fir Mënschheet.
An elo dann bei eis Experiment, dat mat Waasser ze dinn huet. De Joseph Rodesch ass elo direkt beim Jean Claude Majerus, a wéi et schéngt, wëlle si zwee elo d'Waasser vun engem Bam drénken.
Hei dann och de Link fir dëst Experiment op science.lu
