arrow_back_ios
Post vum Guy
No der Rees ass virun der Rees
De Guy Helminger schreift nawell gär. Schonn ier hie seng Rees an de Vietnam an de Myanmar untrëtt, hu mer Post vun em kritt. Wat dreift e Schrëftsteller esou, ier en am Fliger sëtzt a virun allem wat dreift en ëmmer erëm fir Wochen a friem Länner? De Guy Helminger war scho Stadschreiwer an Indien zu Hyderabad, en huet aus dem Iran gebloggt an aus dem Jemen, en ass duerch de Mali den Niger erop op Timbuktu gejabelt, ass regelméisseg an Irland unzetreffen an 2015 souz en zu Johannesburg an huet en Internettagebuch gefouert. Dat sinn nëmmen e puer Statioune vu sengem Gerenns. Elo also erëm Asien, agelueden op e Festival, wou Kënschtler aus aller Welt sech iwwert en eescht Thema ënnerhalen: Diktatur a wéi et dono weidergeet.
Episoden
Di lescht indesch Postkaart vun eisem Auteur Guy Helminger kënnt vu Kolkata.
De Schrëftsteller Guy Helminger ass zu Kolkata a Westbengale gelant, wou e Literaturfestival stattfënnt, e Kontrastprogramm zu enger Stad, déi vill Aarmut weist.
Dem Guy Helminger seng Impressioune vu Rajasthan
De Schrëftsteller Guy Helminger fiert duerch Rajasthan am Norde vun Indien, wou grad gewielt a gefeiert gëtt.
Nepaleesesch Postkaarte vum Guy Helminger - Kyanjin Gompa
De Schrëftsteller Guy Helminger ass am Himalaya méi héich eropgeklommen, wéi hie sollt. Zum Gléck hat hien e gudde Guide, deen him de Wee gewisen huet.
Nepaleesesch Postkaarte vum Guy Helminger - Himalaya
De Schrëftsteller Guy Helminger huet am Nepal den Himalaya besicht. Eng schéi Géigend, mee en haart Liewe fir d’Baueren.
Nepaleesesch Postkaarte vum Guy Helminger - Kathmandu
De Schrëftsteller Guy Helminger war am Nepal ënnerwee, enger jonker, sougenannter Demokratie. Mee et glënnert net alles, vun deem behaapt gëtt, et wier aus Gold.
Nordmazedonesch Postkaarte vum Guy Helminger – Struga.
De Schrëftsteller Guy Helminger ass op de Struga Poetry Evenings, engem berüümte Lyrik-Festival an Nordmazedonien. Do gëtt vu Brécken erof gelies, a Muséeën an an orthodoxe Kierchen.
Shutka
De Schrëftsteller Guy Helminger ass an Nordmazedonien. Am Fong wéinst der Poesie. Mee e Véierel wéi Shutka, déi gréisste Roma-Siidlung an Europa, do kënnt hien net derlaanscht.
Nordmazedonesch Postkaarte vum Guy Helminger – Skopje.
De Schrëftsteller Guy Helminger ass an Nordmazedonien. Am Fong wéinst der Poesie. Mee d’Politik lauert iwwerall.
Tierkesch Postkaarte vum Guy Helminger - Dersim
De Schrëftsteller ass zu Dersim an Ostanatolien. Hei gëtt et e schéinen Nationalpark, mee kee geet do spadséieren.
Tierkesch Postkaarte vum Guy Helminger - Tarlabasi
De Schrëftsteller ass no senger Rees an Anatolien erëm an der tierkescher Haaptstad ukomm.
Tierkesch Postkaarte vum Guy Helminger - Dommheeten an Diyarbakır
De Schrëftsteller Guy Helminger ass an der Tierkei mam Bus ënnerwee. Hien erzielt vun e puer net absichtlechen Aventuren a vun Diyarbakır, enger kurdescher Stad an Ostanatolien.
Tierkesch Postkaarte vum Guy Helminger - 1989 an haut
De Schrëftsteller ass an der Tierkei mam Bus ënnerwee. Hie widderhëlt eng Rees, déi hie schonn 1989 eng Kéier gemaach huet.
Wéi einfach ass et zu Istanbul Fussball kucken ze goen?
Et ass erëm Post vum Guy Helminger ukomm a mir lauschteren, wat hien alles zu Istanbul erlieft.
